Vadodara News : શિનોરમાં કેળાની ખેતી કરતા ખેડૂતોનું દર્દ છલકાયું, કહ્યું, કેળાના ભાવ તળિયે જતા બિયારણનો ખર્ચ પણ ના નિકળ્યો

વડોદરાના શિનોર તાલુકામાં 5000 વીઘામાં કેળાની ખેતી ખેડૂતો કરે છે, કેળાના 20 કિલોના 50 રૂપિયા ભાવ તળિયે જતા રહેતા ખેડૂતોને રડવાનો વારો આવ્યો છે, મીઠા કરતાં પણ કેળાના ભાવ નીચે ગયા હોવાની વાત સામે આવી છે, ખેડૂતોને કેળાની ખેતીમાં મોટુ નુકસાન વેઠવાનો વારો આવ્યો છે, શિનોર તાલુકાના ખેડૂતોને એક વીઘા કેળાનો પાક તૈયાર કરતા 50 થી 60 હજાર ખર્ચ લાગે છે અત્યારના કેળાના ભાવ પ્રમાણે 30 હજારની વીઘે આવક છે.

કેળાનું વાવેતર કરતા ખેડૂતોમાં રોષ જોવા મળ્યો

કેળાની ખેતી કરતા ખેડૂતોને આ ભાવમાં ખર્ચ સામે ખર્ચ પણ આવી શકે એમ નથી અને મોટુ નુકસાન વેઠવાનો વારો આવ્યો છે.ખેડૂતોના કેળાના ભાવ મીઠા કરતાં નીચે ગયા છે, ખેડૂતોનું કહેવું છે કેસ અઢી રૂપિયે કિલો કેળું વેપારી લઈ જાય છે જયારે મીઠું 1 કિલોના 27 રૂપિયા છે, કેળાની ખેતી કરવી કે મીઠું વેચવું તેવું ખેડૂતો કહી રહ્યાં છે, સરકાર બાગાયતી ખેતી કરોને બમણી આવક મેળવો તેવું કહે છે ત્યારે કેળાની ખેતીથી કેવી રીતે બમણી આવક થશે તે સમજાતું નથી, સરકાર કેળાનો ભાવ પણ ટેકાના ભાવે નક્કી કરે તેવી ખેડૂતોએ માગ કરી છે.