Vadodara: સાવલીમાં યુવકનું શંકાસ્પદ હાલતમાં મોત, આસપાસના વિસ્તારમાં ભારે ચકચાર મચી

સાવલી નગરમાં રોડ પર યુવકનું શંકાસ્પદ હાલતમાં મૃત્યુ નીપજતા ભારે ચકચાર મચીઘોઘંબાના રહેવાસી મહેન્દ્રભાઈ પરમારનું થયુ મોત સાવલી પોલીસે ઘટનાસ્થળે પહોંચી મૃતકની લાશનો કબજો લઈ આગળની કાર્યવાહી હાથ ધરી વડોદરાના સાવલી નગરમાં એક યુવકનું શંકાસ્પદ હાલતમાં મોત નીપજ્યુ છે. સાવલી પોઈચા રોડ પર શંકાસ્પદ હાલતમાં યુવકનું મૃત્યુ નીપજતા, આસપાસના વિસ્તારમાં ભારે ચકચાર મચી જવા પામી છે અને અનેક પ્રકારની ચર્ચાઓ શરૂ થઈ છે. મૃતકના સાસુ લીલાબેનએ બે બાપ દીકરાએ લાકડી વડે માર મારતા મૃત્યુ નિપજ્યાનો આક્ષેપ લગાવ્યો મૂળ હાલોલના ઘોઘંબાના રહેવાસી મહેન્દ્રભાઈ પરમારનું લાકડી વડે માર મારતા મૃત્યુ નિપજ્યું છે. ત્યારે મૃતકના સાસુ લીલાબેનએ બે બાપ દીકરાએ લાકડી વડે માર મારતા મૃત્યુ નિપજ્યાનો આક્ષેપ લગાવ્યો છે. તમને જણાવી દઈએ કે ઈજાગ્રસ્ત મૃતકને માર મારતા જાહેર રોડ પર પડી ગયો હતો અને ગણતરીની મિનિટોમાં મૃત્યુ પામતા ભારે ચકચાર મચી જવા પામી છે. ત્યારે સમગ્ર બનાવ અંગેની જાણકારી મળતા જ સાવલી પોલીસ ઘટના સ્થળે પહોંચી અને મૃતકની લાશનો કબજો લઈ આગળની વધુ કાર્યવાહી હાથ ધરી છે. વલસાડમાં ખાનગી કંપનીમાં કરંટ લાગવાના કારણે એક યુવકનું મોત વલસાડમાં એક ખાનગી કંપનીમાં કરંટ લાગવાના કારણે એક યુવકનું મોત થયુ છે. અતુલ નામની કંપનીના ઈસ્ટ સાઈટમાં કલર ડિવિઝનના NBD પ્લાન્ટમાં આ સમગ્ર ઘટના બની છે અને કંપનીમાં કામ કરતા 21 વર્ષીય યુવકનું કરંટ લાગતા મોત થયુ છે. કરંટ લાગવાનો બનાવ બનતા જ આસપાસમાં ભારે અફરાતફરી મચી ગઈ હતી, ત્યારે ઘરના સભ્યોને પણ પોતાના જવાનજોધ દિકરાના મોતના સમાચાર મળતા જ સમગ્ર પરિવારજનોમાં શોકનો માહોલ છવાયો છે. આ સમગ્ર મામલે પોલીસે વધુ તપાસ હાથ ધરી છે. ઉલ્લેખનીય છે કે રાજ્યમાં દિવસે દિવસે હત્યા અને લૂંટફાટના કિસ્સાઓ સતત વધી રહ્યા છે, ત્યારે પોલીસ પણ તેની સામે કડકમાં કડક પગલા ભરે તેવી લોકો માગ કરી રહ્યા છે અને ખાસ કરીને મહિલાઓની સુરક્ષાને લઈને ઘણા સવાલો સરકાર સામે ઉઠી રહ્યા છે.