Vadodaraમાં ડિવોર્સી મહિલા બની લવ જેહાદનો શિકાર, મુસ્લિમ ધર્મ અપનાવવા કર્યુ દબાણ

વડોદરામાં ડિવોર્સી મહિલા લવ જેહાદનો શિકાર બની છે,જેમાં મોહસીન નામના યુવકે મનોજ સોની તરીકે ઓળખ આપી મહિલાને ફસાવી દુષ્કર્મ આચર્યું છે,ત્યારે રેલવેમાં ફીટરમેન તરીકે નોકરી કરે છે મોહસીન અને વર્ષ 2020માં તે મહિલાના સંપર્કમાં આવ્યો હતો,તો બીજી તરફ મહિલાને આ વાતની જાણ થતા તેણે પોલીસનો સંપર્ક કર્યો હતો અને યુવક વિરુદ્ધ ફરિયાદ નોંધાવી હતી.

વર્ષ 2020માં મહિલાના સંપર્કમાં આવ્યો

વર્ષ 2020માં આરોપીએ નામ બદલીને હિંદુ યુવતી સાથે લગ્ન કર્યા હોવાની વાત સામે આવી છે,જયારે લગ્ન કર્યા બાદ મહિલાને આ વાતની જાણ થઈ છે તો તેના પગ જમીન પરથી સરકી ગઈ હતી તો મહિલાએ તેની સાથે રહેવાની ના પાડી હતી જેને લઈ તેને માર પણ માર્યો હતો તો મહિલાને મુસ્લિમ ધર્મ અપનાવવા પણ કર્યુ હતુ દબાણ સાથે સાથે મહિલાના સંતાનોને મારી નાખવાની ધમકી આપી હતી જેના કારણે મહિલા ગભરાઈ હતી અને પોલીસના શરણે પહોંચી હતી.

મહિલાના નામે 2 લાખ રૂપિયાની લોન લીધી

પોલીસે મહિલાની ફરિયાદ લીધી અને આરોપી મોહસીનની ધરપકડ પણ કરી છે,ત્યારે આરોપીએ મહિલાના નામે રૂપિયા 2 લાખની લોન પણ લીધી હોવાની વાત સામે આવી છે.આરોપીનું અસલી નામ મોહસિન ઐયુબખાન પઠાણ છે અને તે વડોદરાના તાંદલજા વિસ્તારમાં નૂરજહાં પાર્ક સોસાયટીમાં રહે છે. જેમાં બાપોદ વિસ્તારમાં રહેતી બે સંતાનોની માતા ફસાઇ હતી. મોહસિને મહિલા સાથે હિન્દૂ વિધિ અનુસાર લગ્ન કરવાનું નાટક પણ કર્યું હતું.