Surendranagar: ધ્રાંગધ્રામાં કચ્છ મુદતે જતો ચોર ચોરી કરતા પહેલાં જ ઝડપાયો

Jan 1, 2025 - 03:00

Join our WhatsApp Community to receive travel deals, free stays, and special offers!
- Join Now -

ધ્રાંગધ્રા હળવદ રોડ ઉપર સોસાયટીના રહેણાંકના મકાનમાં ચોરી કરતા પહેલા જ આણંદના એક તસ્કરને સિટી પોલીસે અટકાયત કરી તપાસ હાથ ધરી છે.

આણંદ વિસ્તારનો જયેશ મોહનભાઈ પટેલ કચ્છમાં મુદતે જતો હતો અને ધ્રાંગધ્રા શહેરના હળવદ રોડ બાયપાસ પાસેથી પસાર થતો હતો. ત્યારે કૃષ્ણકુંજ સોસાયટીના રહેણાકના મકાનમાં રાત્રે નવ વાગ્યાના અરસામાં જ ચોરી કરવાનો પ્રયાસ કરતા રહીશો જોઈ જતા ધ્રાંગધ્રા સિટી પોલીસને જાણ કરી હતી. પોલીસ આવે એ પહેલા આ શખ્સે રહીશોને જણાવ્યું હતું કે હું તો કચ્છમાં મુદતે હતો અને ચોરી કરવાનું મન થયું ગયું હતું એટલે હાથફેરો કરવા આવ્યો હતો પણ હું ચોરી કરતા બહુ પકડાઈ જવું છું. આવી બિન્દાસ્ત વાતો કરતો હતો આ સમયે જ સિટી પોલીસ પહાંેચતાની સાથે જ આ શખ્સને ધ્રાંગધ્રા પોલીસ સ્ટેશને લઈ જઈ વધુ તપાસ હાથ ધરી હતી. પ્રાથમિક તપાસ મુજબ આ શખ્સ ચોરી સહિતના અનેક ગુનામાં સંડોવાયેલો હોવાનું જાણવા મળ્યું છે.