Suratમાં ચેન સ્નેચિંગ કરતી મહિલા ગેંગ ઝડપાઈ, અંકલેશ્વરથી આવતી હતી ચોરી કરવા

સુરતમાં ચેન સ્નેચિંગ કરતી મહિલા ગેંગ ઝડપાઈ છે,જહાંગીરપુરા પોલીસે આ ત્રણેય મહિલાઓની ધરપકડ કરીને વધુ પૂછપરછ હાથધરી છે,પોલીસે સીસીટીવીના આધારે મહિલાઓને ઝડપી પાડી છે,ત્યારે મહત્વની વાત તો એ છે કે આ ત્રણેય મહિલા આરોપીઓ સુરતની નહી પરંતુ અંકલેશ્વરની છે અને અંકલેશ્વરથી સુરત ચોરી કરવા માટે આવતી હતી.

ચેન સ્નેચિંગ કરતી મહિલા ગેંગ ઝડપાઇ

પોલીસની તપાસમાં અનેક ખુલાસાઓ થયા છે જેમાં જહાંગીરપુરા પોલીસે 3 મહિલાની ધરપકડ કરી છે,સુરતના ઈસ્કોન મંદિરમાં કરી હતી ચેન સ્નેચિંગ સાથે સાથે મહિલાઓના ગળામાંથી ચેન સ્નેચિંગ કરતી હોવાની વાત સામે આવી છે.જહાંગીરપુરા પોલીસે 1.40 લાખનો મુદ્દામાલ ઝડપી પાડયો છે અને અત્યાર સુધી કયા-કયા વિસ્તારમાં અને કટેલી ચોરી કરી છે તે દિશામાં તપાસ હાથધરી છે,મહત્વનું છે કે આરોપી મહિલાઓ ગુનાહિત ઈતિહાસ ધરાવે છે તેવું પોલીસ તપાસમાં સામે આવ્યું છે.

અંકલેશ્વરથી આવતી હતી ચોરી કરવા

સુરતની જહાંગીરપુરા પોલીસે એક એવી ગેંગને ઝડપી પાડી છે, જે મહિલા આરોપીઓની ગેંગ ભરૂચથી સુરત વચ્ચેનું 76 કિલો મીટરનું અંતર કાપી એસ. ટી.બસ મારફતે સુરત આવતી હતી. જે મહિલાઓ આરોપીઓનો ગેંગ દ્વારા ભીડભાડવાળા વિસ્તારોને ટાર્ગેટ કરી મહિલાઓના ગળામાંથી કિંમતી સોનાના ઘરેણાં સ્નેચિંગ કરી ફરાર થઈ જતી હતી.આ ગેંગમાં કુલ પાંચ જેટલી મહિલા આરોપીઓ શામેલ છે. જે પૈકી ત્રણ મહિલા આરોપીઓની પોલીસે ધરપકડ કરી છે. જહાંગીરપુરા સ્થિત ઇસ્કોન મંદિરમાં દર્શનાર્થે આવેલી મહિલાના ગળામાંથી ચેન સ્નેચિંગ થઈ હતી. જે અંગેની ફરિયાદ પોલીસ ચોપડે નોંધાઈ હતી.