Rotary Valsad Rangers Hosts Chess Tournament with 300+ Students Participating

રોટરી વલસાડ રેન્જર્સ દ્વારા ઓપન ચેસ ટુર્નામેન્ટ યોજાઈ, ૩૦૦ વિદ્યાર્થીઓનો ઉત્સાહપૂર્ણ હિસ્સો

વલસાડ: રોટરી ક્લબ ઓફ વલસાડ રેન્જર્સે વિદ્યાર્થીઓમાં રમતગમત પ્રત્યેની રુચિ વધારવા અને શારીરિક તથા માનસિક વિકાસને પ્રોત્સાહિત કરવા માટે એક વિશાળ ઓપન ચેસ ટુર્નામેન્ટનું આયોજન કર્યું. આ સ્પર્ધામાં વિવિધ શાળા અને કોલેજના 300થી વધુ વિદ્યાર્થીઓએ ભાગ લીધો, અને તેઓ ચાર અલગ કેટેગરી (અંડર 10, 14, 18, 25)માં સ્પર્ધાએ ઉતર્યા.

આ ચેસ ટુર્નામેન્ટનું સફળ આયોજન રોટરી ક્લબના સભ્યો અને આર્ય સંસ્કાર ધામના સહયોગથી કરવામાં આવ્યું. તમામ વિદ્યાર્થીઓને આર્ય સંસ્કાર ધામ દ્વારા રિટર્ન ગિફ્ટ તરીકે સ્કૂલ બેગ આપવામાં આવી, જ્યારે ટુર્નામેન્ટના વિજેતાઓને 100 જેટલી ટ્રોફી, મેડલ, સર્ટિફિકેટ અને ગિફ્ટ્સ રોટરી સભ્ય રો. સુનિલ જૈનના સહયોગથી વિતરણ કરવામાં આવ્યું.

મુખ્ય મહેમાન આર્ય સંસ્કાર ધામના શ્રી રમેશભાઈ શાહ, રશ્મિબેન શાહ અને કાંતા જૈને આ પ્રસંગે હાજરી આપી, બાળકોને પ્રોત્સાહિત કર્યા. કેટેગરી વાઇઝ વિજેતાઓમાં અંડર 10 માં આર્યન સિંહ, 14 માં પ્રિયાંશી તિવારી, 18 માં નિહાલ પટેલ અને 25 માં વિપુલ ઝા વિજેતા તરીકે રહ્યા. તેમને સ્માર્ટ વોચ, ટ્રોફી, સર્ટિફિકેટ અને સ્કૂલ બેગ જેવા પુરસ્કારો આપવામાં આવ્યા.

આ ટુર્નામેન્ટનું આયોજન રો. રિતેશ પટેલ (પ્રોજેક્ટ ચેરમેન) અને રો. કુશલ વરૈયા (કો-ચેરમેન)ના માર્ગદર્શન હેઠળ કરવામાં આવ્યું. વિજેતાઓને વલસાડના સ્વ. એકલવ્ય વિરાફ અવારીના યાદમાં ટુર્નામેન્ટ ટ્રોફી આપવામાં આવી હતી, અને આ રીતે તેમને શ્રદ્ધાંજલિ અપાઈ. રો. સુનિલ જૈન, રો. ડો. દીપેશ શાહ, રો. ભાવેશ પરીખ, રો. મનોજ ડક, રો. ભાવિન શાહ, રો. રાજેશ પટેલ, રો. દિગંત દેસાઈ અને રો. પારસ સોલંકી સહિતના સભ્યો દ્વારા આ આયોજનને સફળ બનાવવામાં શ્રમદાન કરવામાં આવ્યું.

આ ખાસ પ્રસંગે રોટરી ક્લબના પ્રમુખ રો. મનોજ જૈન અને સેક્રેટરી રો. ભરત જૈને આટલા વિશાળ પ્રોજેક્ટને સફળતાપૂર્વક પાર પાડનાર તમામ સભ્યો અને વિદ્યાર્થીઓને અભિનંદન પાઠવ્યા.