Rajkotમાં કેટરર્સમાં કામ કરતી 15 વર્ષની સગીરાને પ્રેમજાળમાં ફસાવી દુષ્કર્મ આચરનારની ધરપકડ

રાજકોટ શહેરમાંથી સગીરાની સુરક્ષા પર સવાલ ઉભા કરતી એક અત્યંત શરમજનક ઘટના સામે આવી છે. કેટરિંગ ક્ષેત્રે કામ કરતી ૧૫ વર્ષની એક અલ્પવયસ્ક સગીરાને પ્રેમજાળમાં ફસાવીને તેની સાથે દુષ્કર્મ આચરવામાં આવ્યું હતું. આરોપીએ સગીરાને લલચાવી-ફોસલાવીને પોતાની ઓફિસ ખાતે લઈ જઈને તેની સાથે ચાર-ચાર વખત દુષ્કર્મ આચર્યું હતું.

પાંચ મહિના અગાઉ થયો હતો પરિચય 

તપાસ દરમિયાન બહાર આવ્યું છે કે, રાજકોટના ભોમેશ્વર વિસ્તારમાં રહેતા અમૃત બેલમ નામના શખ્સ સાથે સગીરાનો પરિચય આશરે પાંચ મહિના અગાઉ થયો હતો. આ પરિચયનો ગેરફાયદો ઉઠાવીને આરોપીએ ગત જૂન મહિનામાં સગીરાને પોતાની ઓફિસે લઈ જઈને હવસનો શિકાર બનાવી હતી.

પરિવારજનોની ફરિયાદ બાદ આરોપી જેલહવાલે 

સમગ્ર બનાવની જાણ સગીરાના પરિવારજનોને થતાં જ તેમણે તાત્કાલિક સ્થાનિક પોલીસ સ્ટેશનમાં આરોપી અમૃત બેલમ વિરુદ્ધ લેખિત ફરિયાદ નોંધાવી હતી. પરિવારજનોની કડક ફરિયાદના આધારે રાજકોટ પોલીસે પોક્સો (POCSO) અને દુષ્કર્મની ગંભીર કલમો હેઠળ ગુનો નોંધીને આરોપી અમૃત બેલમની ધરપકડ કરી લીધી છે અને આગળની કાનૂની કાર્યવાહી હાથ ધરી છે.

ગુજરાતના વધુ સમાચાર વાંચવા માટે ક્લિક કરો