Rajkotમાં અજ્ઞાત ઝેરી જંતુ કરડવાથી બેના મોત, સ્થાનિકોમાં ફેલાયો ભયનો માહોલ

રાજકોટ જિલ્લાના પાટણવાવ ગામમાં અજ્ઞાત ઝેરી જંતુનો આતંક ફેલાયો છે. જેના કારણે સ્થાનિકોમાં ભયનો માહોલ છવાયો હતો. ગ્રામજનોના દાવો કરે છે કે છેલ્લા છ મહિનામાં પાંચ વ્યક્તિઓને આ ઝેરી જંતુ કરડ્યું છે. તથાં આ ઝેરી જંતુ કરડવાથી પાંચમાંથી બે લોકોના મોત થયું છે. ગ્રામજનોના આવા ચોંકાવનારા કથનથી લોકોમાં ભયનો માહોલ જોવા મળ્યો હતો. છ મહિનામાં ઝેરી જંતુ કરડવાથી બે લોકોનું માત થતા સમગ્ર પંથક ભયભીત થઈ ગયું છે.

 છેલ્લા અઠવાડિયામાં વધુ બે વ્યક્તિઓને ઝેરી જંતુએ બનાવ્યો ભોગ

પાટણવાવના પીર વાડી વિસ્તારમાં આ ઝેરી જંતુનો ભય પ્રવર્તી રહ્યો છે.જ્યાં ગ્રામજનોનું કહેવું છે કે ત્રણ દિવસ પહેલા નીતિનભાઈ પેથાણી નામના એક પ્રૌઢનું આવુંજ કોઈ ઝેરી જંતુ કરડવાથી મોત થયું છે. આ પહેલા છ મહિના પૂર્વે પણ કેશુભાઈ નામના એક વૃદ્ધનું આજ પ્રકારે કોઈ ઝેરી જંતુ કરડવાથી મોત નીપજ્યું હતું. ગ્રામજનોનો દાવો છે કે આ બંને મોતનું કારણ કોઈ ઝેરી જંતુ જ છે. છેલ્લા એક અઠવાડિયામાં જ આ ઝેરી જંતુએ વધુ બે વ્યક્તિઓને પણ કરડીને ભોગ બનાવ્યા હતા.

આ ગંભીર બનાવને પગલે તંત્ર પણ આવ્યું હરકતમાં

છેલ્લા બે દિવસથી તાલુકા હેલ્થ ઓફિસરની ટીમ, રાજકોટ આરોગ્ય શાખા, પશુપાલન વિભાગ, ફોરેસ્ટ વિભાગ, એન્ટોમોલોજિસ્ટ વિભાગ અને મલેરિયા-મચ્છર નિષ્ણાતોની ટીમ પાટણવાવ ખાતે ધામા નાખી તપાસ કરી રહી છે. એક પ્રૌઢને તો રાજકોટની સરકારી હોસ્પિટલના સર્જરી વિભાગમાં કેસ કલ્ચર માટે મોકલવામાં આવ્યા હતી. નિષ્ણાતો દ્વારા આ રહસ્યમય જંતુની ઓળખ કરવા અને તેનાથી બચવા માટેના ઉપાયો શોધવાની કવાયત હાથ ધરવામાં આવી છે. આગામી એક અઠવાડિયામાં રિપોર્ટ આવ્યા બાદ આ જંતુની વધુ વિગતો બહાર આવી શકે છે.