Rajkotના ઉમાકાંત પંડિત રોડ પર પારિવારિક બોલાચાલીમાં રસ્તા વચ્ચે લોહિયાળ માથાકૂટ

રાજકોટ શહેરના માલવિયાનગર પોલીસ સ્ટેશન વિસ્તાર હેઠળ આવેલા ઉમાકાંત પંડિત રોડ પર જાહેરમાં હિંસક મારામારીની ઘટના સામે આવી છે. માહિતી અનુસાર, ત્યાં રહેતા પરપ્રાંતિય પરિવારના સભ્યો વચ્ચે કોઈ કૌટુંબિક કે પારિવારિક બાબતે ઉગ્ર બોલાચાલી શરૂ થઈ હતી. સામાન્ય સવાલ-જવાબમાંથી શરૂ થયેલો આ કૌટુંબિક કલેશ જોતજોતામાં રસ્તા પર ઉગ્રે રૂપ ધારણ કરી ગયો હતો અને પરિવારના લોકો જાહેર રોડ પર સામસામે આવીને છૂટા હાથની મારપીટ કરવા લાગ્યા હતા.

લોકો તમાશો જોઈ મોબાઈલમાં વીડિયો ઉતારતા રહ્યા

આ જાહેર મારામારી દરમિયાન ઝઘડો એટલો વધી ગયો હતો કે એક ઉશ્કેરાયેલી મહિલાએ જમીન પરથી મોટો પથ્થર ઉપાડીને યુવક પર ઘા કરી તેને માર મારવાનું શરૂ કર્યું હતું. આશ્ચર્યજનક વાત એ છે કે જાહેર રસ્તા પર બની રહેલી આ હિંસક ઘટના વખતે આસપાસથી પસાર થતા સ્થાનિક લોકો ઝઘડો છોડાવવા આગળ આવવાના બદલે તમાશો જોતા રહ્યા હતા અને પોતાના મોબાઈલમાં વીડિયો ઉતારતા નજરે પડ્યા હતા.

વીડિયો વાયરલ થતાં પોલીસે તપાસ હાથ ધરી

આ સમગ્ર હિંસક મારામારીનો વીડિયો સોશિયલ મીડિયા પર ખુબ વાયરલ થતાં રાજકોટ પોલીસ તંત્ર ત્વરિત હરકતમાં આવ્યું હતું. માલવિયાનગર પોલીસ સ્ટેશનની ટીમે વાયરલ વીડિયોના આધારે ઉમાકાંત રોડ પર ઝઘડો કરનાર પરપ્રાંતિય શખ્સો અને મહિલાઓની ઓળખ મેળવવા તપાસના ચક્રો ગતિમાન કર્યા છે. પોલીસે આ મામલે આંતરિક ફરિયાદ નોંધવાની અને સંકળાયેલા લોકો સામે કાયદેસરની કાર્યવાહી કરવાની તજવીજ હાથ ધરી છે.

ગુજરાતના વધુ સમાચાર વાંચવા માટે ક્લિક કરો