Rajkot સિવિલમાં મંકીપોકસને લઈને ખાસ તકેદારી, કરવામાં આવી આ ખાસ સુવિધા

રાજકોટ સિવિલ હોસ્પિટલમાં ખાસ આઈસોલેશન વોર્ડ તૈયાર બાળકો માટે પણ 10 બેડનો આઈસોલેશન વોર્ડ તૈયાર કરાયો શંકાસ્પદ દર્દીના સેમ્પલ અમદાવાદ લેબોરેટરીમાં મોકલાશેરાજકોટ સિવિલ હોસ્પિટલમાં મંકી પોકસને લઈને ખાસ વ્યવસ્થા તૈયાર કરવામાં આવી છે. રાજકોટ સિવિલ હોસ્પિટલમાં ખાસ આઈસોલેશન વોર્ડ તૈયાર કરવામાં આવ્યો છે. એડલ્ટ દર્દીઓ માટે દસ બેડનો ખાસ આઈસોલેશન વોર્ડ તૈયાર કરવામાં આવ્યો છે, જ્યારે બાળકો માટે પણ 10 બેડની ખાસ આઈસોલેશન વોર્ડની વ્યવસ્થા કરવામાં આવી છે.એકપણ શંકાસ્પદ કેસ નથી રાજકોટ સિવિલ હોસ્પિટલમાં મંકી પોકસને લઈને ખાસ સુવિધા તૈયાર કરવામાં આવી છે. લક્ષણ ધરાવતા શંકાસ્પદ દર્દીઓ સિવિલમાં દાખલ થશે તો તેના સેમ્પલ અમદાવાદ ખાતે લેબોરેટરીમાં મોકલવામાં આવશે. રાજકોટમાં હાલમાં એક પણ શંકાસ્પદ દર્દીને સિવિલ હોસ્પિટલમાં દાખલ કરાયા નથી. એરપોર્ટ પર પણ એલર્ટ વર્લ્ડ હેલ્થ ઓર્ગેનાઈઝેશન દ્વારા મંકીપોક્સને વૈશ્વિક પબ્લિક હેલ્થ ઈમરજન્સી જાહેર કરવામાં આવ્યા બાદ સરકારે સાવચેતીના પગલાં લીધા છે. સ્વાસ્થ્ય મંત્રાલયના સૂત્રોએ જણાવ્યું કે આ સ્થિતિને ધ્યાનમાં રાખીને ઈમરજન્સી વોર્ડ તૈયાર કરવામાં આવી રહ્યા છે અને એરપોર્ટ પર એલર્ટ જાહેર કરવામાં આવ્યું છે. ભારતમાં નવા સ્ટ્રેનના કોઈ કેસ નથી ભારતમાં હજુ સુધી એમપોક્સના નવા સ્ટ્રેનનો કોઈ કેસ નોંધાયો નથી. પરંતુ 16 ઓગસ્ટના રોજ, પાકિસ્તાનમાં એમપોક્સના ત્રણ કેસ નોંધાયા હતા, જે સંયુક્ત આરબ અમીરાતથી આવ્યા હતા. આ પહેલા સ્વીડને આફ્રિકા બહાર એમપોક્સનો પહેલો કેસ નોંધ્યો હતો. મંકીપોક્સ વાયરસ શું છે? એમપોક્સ એ એક વાયરલ બિમારી છે જે મંકીપોક્સ વાયરસથી થાય છે, જે ઓર્થોપોક્સ વાયરસ જીનસની એક પ્રજાતિ છે. એમપોક્સ પહેલા મંકીપોક્સ તરીકે ઓળખાતું હતું. આ વાયરસની ઓળખ સૌપ્રથમ 1958માં થઈ હતી. તે સમયે વાંદરાઓમાં આ રોગનો પ્રકોપ ઘણો વધી ગયો હતો. એમપોક્સ વાયરસ શીતળા, કાઉપોક્સ, રસી જેવા રોગો સાથે સંબંધિત છે. આ વાયરસ અન્ય તમામ પોક્સ વાયરસ જેવા જ ઓર્થોપોક્સ વાયરસ પરિવારનો છે. મંકીપોક્સ વાયરસ વાંદરાઓમાં ફેલાતો ચેપ છે, તેથી જ તેને મંકીપોક્સ વાયરસ કહેવામાં આવે છે. આ વાયરસ ચેપગ્રસ્ત પ્રાણીઓના સંપર્કમાં આવવાથી માણસોમાં પણ ફેલાય છે.