PM Modiની ગુજરાત મુલાકાત પહેલા X પર મહત્વપૂર્ણ પોસ્ટ: બનાસકાંઠામાં પશુપાલન ક્ષેત્રે નવી ક્રાંતિની તૈયારી

ગુજરાત મુલાકાતના આગલા દિવસે વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ 'X' પર એક ખાસ પોસ્ટ શેર કરી છે. પીએમ મોદીએ જણાવ્યું છે કે બનાસકાંઠામાં પશુપાલન ક્ષેત્રે એક નવી ક્રાંતિ જોવા મળશે અને આ ઐતિહાસિક ક્ષણના સાક્ષી બનવા માટે તેમણે સૌને બનાસકાંઠા આવવાનું ખુલ્લું આમંત્રણ પાઠવ્યું છે. આ મુલાકાત દરમિયાન 127 એકરના વિશાળ વિસ્તારમાં નિર્મિત અત્યાધુનિક 'બોવાઇન બ્રીડિંગ એન્ડ રિસર્ચ સેન્ટર'નો શુભારંભ કરવામાં આવશે, જે પશુપાલન અને ડેરી ઉદ્યોગ માટે સીમાચિહ્નરૂપ સાબિત થશે.

દેશી ગૌવંશનું સંરક્ષણ અને પશુદીઠ દૂધ ઉત્પાદનમાં વધારો

આ રિસર્ચ સેન્ટર શરૂ કરવાનો મુખ્ય ઉદ્દેશ પશુદીઠ દૂધ ઉત્પાદનમાં વધારો કરવાનો અને ઉત્તમ ઓલાદના સંવર્ધન પર વિશેષ ભાર મૂકવાનો છે. આ કેન્દ્ર શરૂ થવાથી કાંકરેજ જેવી આપણી ગૌરવવંતી દેશી ગૌવંશની ઓલાદોના સંરક્ષણ અને સંવર્ધનને ભારે પ્રોત્સાહન મળશે. આધુનિક વિજ્ઞાન અને સંશોધનની મદદથી પશુઓની નસ્લ સુધારણા કરવામાં આવશે, જેથી પશુપાલકોને દીર્ઘકાલીન લાભ મળી શકે.

=" target="_blank"> =

ગુજરાત સહિત દેશભરના પશુપાલકોની આવક વધારવામાં મળશે મોટી મદદ

વડાપ્રધાન મોદીએ પોતાની પોસ્ટમાં ભારપૂર્વક જણાવ્યું છે કે આ અભિનવ પહેલથી માત્ર બનાસકાંઠા કે ગુજરાત જ નહીં, પરંતુ સમગ્ર દેશભરના પશુપાલકોની આર્થિક સ્થિતિ સુધારવામાં અને તેમની આવક બમણી કરવામાં મોટી મદદ મળશે. પશુપાલન સાથે જોડાયેલા લાખો ખેડૂતો અને માલધારીઓ માટે આ કેન્દ્ર વરદાનરૂપ સાબિત થશે. વડાપ્રધાનના આ આગમન અને ભેટને લઈને ઉત્તર ગુજરાતના પશુપાલકોમાં ભારે ઉત્સાહ અને આભારની લાગણી જોવા મળી રહી છે.

ગુજરાતના વધુ સમાચાર વાંચવા માટે ક્લિક કરો