Patanમાં ડ્રોન ટેકનોલોજીની મદદથી હાઇટેક દરોડો, મનવરપુરા સીમમાંથી દેશી દારૂની ભઠ્ઠીનો પર્દાફાશ

પાટણ એલસીબી (LCB) અને શંખેશ્વર પોલીસે સંયુક્ત કામગીરી કરીને અદ્યતન હાઇટેક ડ્રોન ટેકનોલોજીના ઉપયોગથી દેશી દારૂ બનાવવાની ભઠ્ઠી શોધી કાઢી છે. શંખેશ્વર તાલુકાના મનવરપુરા ગામની સીમમાં આ ગેરકાયદેસર પ્રવૃત્તિ ચાલી રહી હોવાની બાતમીના આધારે પોલીસે ડ્રોન કેમેરાથી તપાસ હાથ ધરી હતી. આકાશમાંથી સીમ વિસ્તારનું લોકેશન ટ્રેક થતાં જ પોલીસે તાત્કાલિક દરોડો પાડીને દારૂ બનાવવાના આ આખા નેટવર્કને બુઝાવી દીધું હતું.

લાખોનો મુદ્દામાલ અને દારૂનો જથ્થો ઝડપાયો 

પોલીસની આ સફળ કામગીરી દરમિયાન ઘટનાસ્થળેથી રૂ.1.56 લાખથી વધુની કિંમતનો મુદ્દામાલ જપ્ત કરવામાં આવ્યો છે. આ દરોડા દરમિયાન 90 લિટર તૈયાર દેશી દારૂ તેમજ દારૂ બનાવવા માટે ઉપયોગમાં લેવાતો વિશાળ માત્રામાં ગેરકાયદેસર વોશ ઝડપી પાડવામાં આવ્યો હતો. પોલીસની આ અચાનક અને ટેકનિકલ કાર્યવાહીથી બૂટલેગરોમાં ભારે અફરાતફરી મચી ગઈ હતી.

મુખ્ય આરોપીની અટકાયત અને કાનૂની કાર્યવાહી 

આ હાઇટેક દરોડા દરમિયાન પોલીસે મુખ્ય બૂટલેગર અજીતજી ઠાકોર નામના આરોપીને સ્થળ પરથી જ ઝબ્બે કરી લીધો છે. પોલીસે સમગ્ર મુદ્દામાલ કબજે કરી આરોપી વિરુદ્ધ કાયદેસરની કાર્યવાહી હાથ ધરી છે અને આગળની તપાસ અર્થે તેને શંખેશ્વર પોલીસ મથકે સોંપવામાં આવ્યો છે.

ગુજરાતના વધુ સમાચાર વાંચવા માટે ક્લિક કરો