Patan: ચાણસ્મામાં તળાવમાં ડૂબી જવાથી એક જ પરિવારના 5 લોકોના મોત

પાટણમાં એક મોટી દુર્ઘટના સામે આવી છે. પાટણમાં તળાવમાં ડૂબવાથી એક જ પરિવારના 5 લોકોના મોત થયા છે. ચાણસ્માના વડાવલી ગામના તળાવમાં ડૂબી જવાથી પાંચ લોકોના કરુણ મોત થયા છે. એક વ્યક્તિનો પગ લપસતા તે તળાવમાં ડુબ્યો હતો અને તેને બચાવવા જતા અન્ય ચાર લોકો પણ તળાવના પાણીમાં ડૂબ્યા છે અને પાંચેય લોકોના મોત થયા છે.પાંચ લોકોના મોત થવાથી સમગ્ર ગામમાં માતમ છવાયો તમને જણાવી દઈએ કે તળાવમાં ડુબી જવાથી માતા, પુત્ર, પુત્રી અને અન્ય 2 લોકોના મોત થયા છે. આ પાંચેય લોકો એક જ પરિવારના હોવાનું સામે આવ્યું છે. પાંચ લોકોના મોત થવાથી સમગ્ર ગામમાં માતમ છવાયો છે. પશુ ચરાવવા માટે ગયા હતા તે સમયે તળાવમાં ડુબી જવાની ઘટના બની હોવાનું પ્રાથમિક અનુમાન લગાવવામાં આવી રહ્યું છે. વડાવલી ગામના લઘુમતી સમાજના એક જ પરિવારના પાંચ લોકોના કરુણ મોતની ઘટના સામે આવ્યા બાદ સમગ્ર વિસ્તારમાં માતમ છવાયો છે. ડીસાના ઝેરડા પમરુ રોડ પર અકસ્માતમાં એકનું મોત બીજી તરફ ડીસાના ઝેરડા પમરુ રોડ પર અકસ્માતમાં એક વ્યક્તિનું મોત થયું છે. અજાણ્યા વાહનચાલકે બાઈકને ટક્કર મારતા અકસ્માત સર્જાયો છે. બાઈક પર સવાર 3 પૈકી એકનું મોત થયું છે અને અન્ય બે લોકો ઘાયલ થયા છે. વાઘરોલ ગામના યુવાનને સત્સંગમાં જતા અકસ્માત નડ્યો છે. ગંભીર ઈજાગ્રસ્તોને હાલમાં સારવાર માટે ડીસા સિવિલ હોસ્પિટલમાં ખસેડવામાં આવ્યા છે.