Patan: ચાણસ્મા જેલમાંથી ભાગેલા હત્યા કેસનો આરોપી આખરે ઝડપાયો

ચાણસ્મા તાલુકામાં 2014 માં એક હત્યા કેસમાં સંડોવાયેલા હારીજ તાલુકાના દાંતરવાડા ગામના શખ્સની પોલીસે ધરપકડ કર્યા બાદ કોર્ટે ચાણસ્મા ખાતે જયુડિશીયલ કસ્ટડીમાં મોકલી આપવાનો હુકમ કરતા શખ્સને ચાણસ્મા ખાતે સબજેલમાં મોકલી આપ્યો હતો. જે બાદ આરોપીને નિત્યક્રમ મુજબ બહાર કાઢતા તે પોલીસની નજર ચુકવી ભાગી જવામાં સફ્ળ રહ્યો હતો. જેની પોલીસ છેલ્લા 10 વર્ષથી શોધખોળ કરી રહી હતી તેવામાં પાટણની પેરોલ ર્ફ્લો સ્ક્વોડને મળેલી બાતમીના આધારે આરોપી શખ્સને અમદાવાદ ખાતેથી ઝડપી પાટણ બી ડિવિઝન પોલીસ સ્ટેશનમાં સોંપ્યો હતો તે બાદ ચાણસ્મા ખાતે લવાયો હતો.

પોલીસ સૂત્રો પાસેથી મળતી વિગતો મુજબ ચાણસ્મા પોલીસ સ્ટેશનમાં વર્ષ 2014 માં નોધાયેલ હત્યા કેસમાં હારીજ તાલુકાના દાંતરવાડા ગામના રમેશજી ઉર્ફે ભાણાજી અમરાજી ઠાકોરની પોલીસે અટકાયત કરી કોર્ટમાં રજૂ કરતા તેને ચાણસ્મા જયુડિશીયલ કસ્ટડીમાં મોકલી આપવાનો હુકમ કરતા તેને સબજેલમાં રાખવામાં આવ્યો હતો. તે દરમિયાન ગત 1/5/2014 ના દિવસે તેને નિત્યક્રમ મુજબ બેરેકની બહાર કાઢતા તે પોલીસની નજર ચુકવી બાથરૂમનો વરંડો કુદી નાસી છૂટયો હતો જેથી પોલીસે તેની શોધખોળ હાથ ધરી છે તેવામાં પાટણ પેરોલ ર્ફ્લો સ્ક્વોડને મળેલી બાતમીના આધારે આરોપી પોતાનું નામ છુપાવીને ટ્રાન્સપોર્ટ કંપનીના ટ્રકો ચલાવતો હોવાથી બાતમીના આધારે તેને અમદાવાદના નારણપુરા ખાતેથી ઝડપી પાટણ શહેર બી ડિવિઝન પોલીસને સોંપ્યા બાદ વધુ તપાસ માટે આરોપીને ચાણસ્મા લવાયો હોવાનું પોલીસે જણાવ્યું હતું.