Patan: અંબાજીમાંથી શ્રાદ્ધાળુનો સોનાનો દોરો ચોરનાર શખ્સને ઝડપ્યો

Oct 30, 2025 - 01:30

Join our WhatsApp Community to receive travel deals, free stays, and special offers!
- Join Now -

પાટણ લોકલ ક્રાઇમ બ્રાન્ચે અઘાર ગામેથી વડોદરાના રવાલ ગામના એક સોનાનો દોરો ચોરનાર તસ્કરને પકડી પાડી મુદામાલ કબજે કરી વધુ તપાસ માટે અંબાજી પોલીસને સોંપ્યો છે. યાત્રાધામ અંબાજી ખાતે બેસતાં વર્ષના દિવસે દર્શનાર્થે આવેલ લોકોની ભીડ વચ્ચે દાગીનાની ચોરીના બનાવો બનવા પામ્યા હતા. જેમાં પાટણની લોકલ ક્રાઇમ બ્રાન્ચને બાતમી મળી હતી કે ચોરીમાં સામેલ વડોદરાના રવાલ ગામનો રમેશભાઈ રઈજીભાઈ ભાલીયા નામનો શખ્સ છે અને તે પાટણના અધાર ગામે રહે છે.

જેના આધારે લોકલ ક્રાઇમ બ્રાન્ચના માણસોએ છાપો મારી તેને ઝડપી લીધો હતો અને અંબાજી ખાતેથી ચોરી કરેલ સોનાનો 2 લાખ 89 હજાર 140 ની કિંમતનો દોરો કબજે કરી વધુ તપાસ માટે અંબાજી પોલીસને સોંપ્યો હતો. અત્રે ઉલ્લેખનીય છે કે, દિવાળી અને બેસતુ વર્ષ હોવાથી યાત્રાધામ અંબાજી ખાતે લાખો દર્શાનાર્થીઓ આવતા હોય છે. જેમાં કેટલાક તો અન્ય રાજ્યમાંથી પણ આવતા હોય છે આમ અંબાજી મંદિરમાં ભીડનો લાભ લઈ તસ્કરો હાથ અજમાવતા હોય છે.