Palanpur: ‘ચા’ વેચનારના પુત્રએ અનેક મુશ્કેલીઓ વચ્ચે IIM રાંચીમાં પ્રવેશ મેળવ્યો

ગુજરાતના રોનક રાઠીને IIM રાંચીમાં પ્રવેશ મળ્યો છે. આઈઆઈએમમાં પ્રવેશ મેળવવા માટે અનેક લોકો સપના જોતાં હોય છે ત્યારે પાલનપુરના રોનકે અનેક મુશ્કેલીઓ વચ્ચે એડમીશન મેળવ્યું છે ઉત્તર ગુજરાતના પાલનપુરમાં એક ચા વેચનારના પુત્ર, 22 વર્ષીય આ વર્ષે IIMમાં પ્રવેશ મેળવનાર રાજ્યના થોડા લોકોમાંનો એક છે. તેની માતા કપડા સિલાઇ કરે છે અને પિતા ચા વેચવાનું કામ કરે છે. રાઠીનું હવે પછીનું લક્ષ્ય IIM રાંચીમાં MBA પ્રોગ્રામમાં પ્રવેશ મેળવવાનું છે, અને તેના પરિવારને ગરીબીમાંથી બહાર કાઢવા અને તેમનું જીવન સુધારવા માટે સારી જોબ મેળવવાનું તેનું લક્ષ્ય છે.રોનકે 12 સુધી પાલનપુરમાં અભ્યાસ કર્યો રોનકે પાલનપુરમાં ધોરણ 12 સુધી ગુજરાતી માધ્યમમાં અભ્યાસ કર્યો અને બાદમાં અદાણી ઇન્સ્ટિટ્યૂટ ઑફ ઇન્ફ્રાસ્ટ્રક્ચર એન્જિનિયરિંગમાંથી ઇલેક્ટ્રિકલ એન્જિનિયરિંગમાં બીટેક કર્યું. તેણે કોર્સના છેલ્લા વર્ષમાં CAT માટેની તૈયારી શરૂ કરી અને પરીક્ષામાં 97.68 પર્સેન્ટાઈલ મેળવ્યા. તેના પિતા ગિરીશ રાઠીએ જણાવ્યું હતું કે તેમણે વધુ અભ્યાસ કર્યો ન હોવા છતાં, તે અને તેમની પત્ની તેમના બાળકો સારી રીતે અભ્યાસ કરે અને સારું જીવન જીવે તે માટે મહેનત કરવા પ્રતિબદ્ધ છે. તેઓ દિવસમાં 12 કલાક કામ કરે છે અને પાંચ વ્યક્તિના પરિવાર માટે મહિને ભાગ્યે જ રૂ. 15,000 કમાય છે જેમાં રોનકના બે ભાઈ-બહેનો પણ છે.રોનકની બંને બહેનો UPSCની તૈયારી કરે છે રોનકની બે મોટી બહેનોને આંખમાં તકલીફ છે અને તેઓ અભ્યાસની સાથે UPSC પરીક્ષાની તૈયારી કરી રહી છે. રોનક તેની સફળતાનો શ્રેય IIM કલકત્તાના ભૂતપૂર્વ વિદ્યાર્થી અને પ્રિપેરેટરી ઇન્સ્ટિટ્યૂટના CAT માર્ગદર્શક સતીશ કુમારને આપે છે, જેમણે તેને અભ્યાસ માટે શિષ્યવૃત્તિ આપવામાં પણ મદદ કરી હતી. સંસ્થાના અધિકારીઓએ જણાવ્યું હતું કે રોનક એક એવો વ્યક્તિ છે જે નાના શહેરોમાંથી ઘણાને મોટા સપના જોવાની પ્રેરણા આપી શકે છે.રોનક રાઠીએ કહ્યું હતું કે, “હું મારા માતા-પિતાને તેમના કામમાંથી નિવૃત્ત કરવા માંગુ છું જેથી તેઓ તેમના શોખ પૂરા કરી શકે. હું મારી બહેનોને તેમના સપના સાકાર કરવામાં પણ ટેકો આપવા માંગુ છું,”