Narmada:દેડિયાપાડામાં મુખ્ય માર્ગ પર ગટર લાઇનનો ખાડો જોખમી

દેડિયાપાડા ખાતે પારસી ટેકરા જતાં ધામણ ખાડીના પુલ નજીક મોટો ખાડો ખોદવામાં આવ્યો છે લોકો અને વાહન ચાલકોને હાલાકી વેઠવાનો વારો આવ્યો છે. આ મુખ્ય માર્ગ ઉપરનો આ મોટો ખાડો મોટો અકસ્માત નોતરશે અને મોટી જાનહાનિ થશે ? તેના માટે કોણ જવાબદાર ? ખાડાને તુરંત પુરી દેવા માટે લોકોની માગ છે.

દેડિયાપાડા લીમડા ચોકથી થોડે દૂર પારસી ટેકરા જતાં ધામણ ખાડીના પુલ પાસે મોટો ખાડો ખોદવામાં આવ્યો છે. જે લોકો માટે અને વાહનચાલકો માટે માથાનો દુખાવો બની ગયો છે. ખાડો મુખ્ય માર્ગ ઉપર હોવાથી મોટો અકસ્માત સર્જાવાનો ડર છે. ખાડામાં વરસાદ અને ગટરનું પાણી ભરાયેલું હોવાથી વાહનચાલકો અજાણતાં ખાડામાં પડવાની શક્યતા રહેલી છે.આ ખાડો ગટર લાઇનો હોય શકે ? ગટર લાઇનનું સિમેન્ટનું ઢાંકણું ત્યાં પડેલું છે. ગટર લાઇન માટે આ ખાડો ખોદવામાં આવ્યો હશે ? એવું લાગી રહ્યું છે. આ મુખ્ય માર્ગ ઉપર અહીંયા ગટરનું ગંદું પાણી રસ્તા ઉપર થઇને સતત વહી રહ્યું છે.આ ગટરના ગંદા પાણીથી દુર્ગંધ મારે છે. રોગચાળો ફેલાય તેવી શક્યતા રહેલી છે.