Morbi News: વિશીપરા પોલીસ ચોકીની સામે દારૂબંધી ધજાગરા, ખુલ્લામાં દેશી દારૂની મોજ માણતા દારૂડિયા

ગુજરાતમાં દારૂબંધી છે પણ તેનો અમલ માત્ર કાગળ પર થઈ રહ્યો છે. પોલીસ ગુજરાત બહારથી આવતા દારૂના જથ્થાને પકડી હોય તેવા અનેક અહેવાલ પ્રકાશમાં આવે છે પણ રાજ્યમાં થતાં વેચાણ પણ જાણે કોઈ અમલ જ થતો ના હોય તે પ્રકારના દ્રશ્યો જોવા મળ્યાં છે. મોરબીમાં એક વીડિયો વાયરલ થયો છે. જેમાં વિશીપરા પોલીસ ચોકીની સામે દારૂબંધીના ધજાગરા ઉડતા દેખાઈ રહ્યાં છે.

વિશીપરા પોલીસ ચોકીની સામે દારૂબંધી ધજાગરા

પ્રાપ્ત વિગતો પ્રમાણે મોરબીમાં ખુલ્લામાં દેશી દારૂની મોજ માણતા દારૂડિયાઓનો વીડિયો વાયરલ થયો છે. જાહેરમાં દેશી દારુ પીતા લોકોનો વીડિયો વાયરલ થતાં પોલીસની કામગીરી સામે સવાલો ઉભા થયાં છે. વિશીપરા પોલીસ ચોકીની સામે જ ખુલ્લામાં દેશી દારૂની મોજ માણતા દારૂડિયા બેફામ બની રહ્યાં છે. ગર્લ્સ સ્કૂલની બાજુમાં જ આવી પ્રવૃતિઓ ધમધમતી હોવાથી પોલીસની કામગીરી સામે અનેક સવાલો ઉભા થયાં છે.

દેશીદારૂ બેફામ પીવાતો હોય તેવો વીડિયો વાયરલ

મોરબી શહેરમાં બી ડિવિઝન પોલીસની કામગીરી સામે અનેક સવાલો ઉભા થયાં છે. પોલીસની હપ્તાખોરીને લીધે બુટલેગરો બેફામ બન્યા હોવાની અનેક ચર્ચાઓ શરૂ થઈ ગઈ છે. શહેરમા જે જગ્યાએ વિદ્યાર્થીનીઓ અભ્યાસ કરી રહી છે. ત્યાં જ દારૂડિયાઓ ખુલ્લામાં દેશી દારૂની મોજ માણી રહ્યાં છે. આ પ્રકારના વીડિયો અનેક વખત ચર્ચામાં આવ્યા છે. પરંતુ પોલીસ હજી સુધી ઊંઘમાંથી જાગી નથી.