Himatnagarના ઘોરવાડા ગામે ત્રણ સંતાનોના માવતરે અગમ્ય કારણોસર ઝેરી દવા ગટગટાવી

હિંમતનગર તાલુકાના ઘોરવાડા ગામે એક અત્યંત દુઃખદ અને હૃદયદ્રાવક ઘટના બની હતી. અહીં એક દંપતીએ અગમ્ય કારણોસર ઝેરી દવા પીને આત્મહત્યા કરી લીધી હતી. આ ઘટનાને કારણે ગામમાં અને સમગ્ર વિસ્તારમાં શોકનું મોજું ફરી વળ્યું હતું. આપઘાત કરનાર દંપતીને ત્રણ નાના સંતાનો છે. માતા-પિતાના આ અંતિમ પગલાથી આ ત્રણેય બાળકો નિરાધાર બન્યા હતા. તેમનો આશરો છીનવાઈ જતાં તેમના ભવિષ્ય પર મોટો પ્રશ્નાર્થ ઊભો થયો હતો. આ ઘટનાએ માનવસમાજને હચમચાવી દીધો હતો.

પોલીસે એક્સિડેન્ટલ ડેથ નોંધીને વધુ તપાસ હાથ ધરી

દંપતીએ કયા કારણોસર આટલું ગંભીર પગલું ભર્યું તે હજુ સુધી જાણી શકાયું નથી. પોલીસ માટે આ એક રહસ્ય બન્યું હતે. પોલીસે ઘટનાસ્થળે પહોંચીને દંપતીના મૃતદેહોનો કબજો મેળવીને તેમને પોસ્ટમોર્ટમ અર્થે ખસેડ્યા હતા. પોલીસે આ મામલે એક્સિડેન્ટલ ડેથ નોંધીને વધુ તપાસ હાથ ધરી હતી. આત્મહત્યા પાછળનું સાચું કારણ જાણવા માટે પોલીસ દ્વારા દંપતીના પરિવારજનો અને ગામના લોકોની પૂછપરછ કરવામાં આવી હતી.

દિન-પ્રતિદિન વધતા જતા આપઘાતના બનાવો 

સાબરકાંઠા જિલ્લામાં દિન-પ્રતિદિન આપઘાતના બનાવો વધી રહ્યા છે. આ ઘટનાઓ માનસિક તણાવ, કૌટુંબિક ઝઘડા, આર્થિક સમસ્યાઓ જેવા અનેક કારણોસર બનતી હોય છે. આ ઘટનાઓ સમાજમાં માનસિક સ્વાસ્થ્ય અને મદદ માટેની જરૂરિયાત પર ગંભીર ચિંતન કરવા માટે પ્રેરિત કરે છે.