GUJCTOC હેઠળ વડોદરા પોલીસની મોટી કાર્યવાહી, કુખ્યાત બુટલેગર ગેંગના 5 શખ્સોની ધરપકડ, SITએ તપાસ આદરી

Oct 15, 2025 - 22:00

Join our WhatsApp Community to receive travel deals, free stays, and special offers!
- Join Now -

Vadodara News: વડોદરા-ડભોઇરોડ પર આવેલ રતનપુર ગામના નામચીન જયસ્વાલ કુંટુંબના ચાર સભ્યો સહિત પાંચ સામે જિલ્લા પોલીસે ગુજસીટોક(GUJCTOC)નો ગુનો દાખલ કર્યો છે. દારૂનું વેચાણ તેમજ પોલીસ પર હુમલો જેવા અનેક ગુનાઓમાં સંડોવાયેલી આ ગેંગની મહિલા સહિત પાંચેયની ધરપકડ કરવામાં આવી છે.

પ્રાપ્ત માહિતી મુજબ વડોદરા નજીક રતનપુર ગામમાં રહેતા રાકેશ ઉર્ફે લાલો તેની પત્ની સીમા, પુત્ર સચિન તેમજ ભાઇ હિતેશ ઉર્ફે પપ્પુ સહિત પાંચેય સભ્યોની ગેંગ છેલ્લા ઘણા સમયથી દારૂના ધંધા સાથે સંકળાયેલી હતી. પોલીસને બાતમી મળે અને રેડ કરવા જાય તો પોલીસ પર પણ હુમલો કરતા તેઓ અચકાતા ન હતાં. માત્ર દારૂ વેચાણ જ નહી પરંતુ જુગારની પ્રવૃત્તિ સાથે પણ તેઓ સંકળાયેલા હતાં.