Gujaratમાં "ઠંડી"નું વધ્યું જોર, નલિયા સૌથી ઠંડુ શહેર બન્યું

હવામાન વિભાગે રાજયમાં ઠંડીને લઈ આગાહી કરી છે,હવામાન વિભાગની આગાહી પ્રમાણે વાત કરવામાં આવે તો રાજયમાં ઠંડીનું જોર હજી પણ વધશે અને આગામી સમયમાં હજી પણ ઠંડીનો ચમકારો યથાવત રહેશે સાથે સાથે નલિયા સૌથી ઠંડું શહેર બન્યું છે,તો રાજસ્થાનમાં આવેલ માઉન્ટ આબુમાં પણ ઠંડી માઈનસ ડિગ્રી સુધી પહોંચી ગઈ છે.ઠંડીના કારણે લોકો વહેલી સવારે અને મોડી રાત્રે શહેરમાં તાપણું કરતા નજરમાં આવે છે. જાણો શહેરમાં કયાં કેટલું તાપમાન નોંધાયું ઠંડીને લઈ વાત કરવામાં આવે તો,નલિયા 12.2 ડિગ્રી સાથે સૌથી ઠંડું શહેર,અમદાવાદમાં લઘુતમ તાપમાન 15.7 ડિગ્રી,ગાંધીનગરમાં લઘુતમ તાપમાન 15.7 ડિગ્રી,ડીસામાં લઘુતમ તાપમાન 14.1 ડિગ્રી,રાજકોટમાં 14 ડિગ્રી, ભાવનગરમાં 16.9 ડિગ્રી,સુરતમાં 19 ડિગ્રી, વડોદરામાં 14.4 ડિગ્રી લઘુતમ તાપમાન નોંધાયું છે. પહડી વિસ્તારમાં રહેશે ઠંડી દેશમાં શિયાળાની સિઝન શરૂ થઈ ગઈ છે. ગુલાબી ઠંડીનો સમયગાળો પણ પૂરો થવા જઈ રહ્યો છે. ડિસેમ્બર આવશે ત્યાં સુધીમાં ગાઢ ધુમ્મસની સાથે હાડકાં ભરતી ઠંડી પડશે. તે જ સમયે, કેટલાક રાજ્યોમાં તોફાન અને ગાજવીજ સાથે વરસાદના વિનાશનો સામનો કરવો પડી રહ્યો છે. 23 નવેમ્બરથી જમ્મુ-કાશ્મીરના પહાડોમાં વેસ્ટર્ન ડિસ્ટર્બન્સ સક્રિય થવાની શક્યતા છે. જેના કારણે પહાડી રાજ્યોમાં બર્ફીલા પવનો ફૂંકાઈ શકે છે.પહાડી વિસ્તારોમાં હિમવર્ષા અને મેદાની વિસ્તારોમાં વરસાદની સંભાવના છે. જેના કારણે સમગ્ર ઉત્તર ભારતમાં ઠંડી વધશે અને તાપમાનમાં ઘટાડો થશે. ભારતીય હવામાન વિભાગ (IMD) એ ઉત્તર ભારતમાં તીવ્ર ઠંડીનું એલર્ટ આપ્યું છે, તો દક્ષિણ ભારતમાં પણ વરસાદનું યલો એલર્ટ છે. પશ્ચિમી વિક્ષોભ મજબૂત નથી આજે વધુ એક પશ્ચિમી વિક્ષોભ ઉત્તરના પહાડો પર ત્રાટકશે. આ વખતે હજુ સુધી કોઈ મજબૂત પશ્ચિમી વિક્ષોભ આવ્યું નથી. આવી સ્થિતિમાં, તાપમાન તેના સ્તર પર રહે છે, જે ઠંડીના આગમનને અટકાવે છે. અગાઉના વર્ષોમાં 15 નવેમ્બર પહેલા પશ્ચિમી વિક્ષોભ બે-ત્રણ વખત આવતો હતો અને તાપમાનમાં ઘટાડો થતો હતો.બંગાળની ખાડીમાંથી સર્જાયેલા ઓછા દબાણને કારણે આંધ્રપ્રદેશથી તેલંગાણા તરફ ભેજનો પ્રવાહ ચાલુ છે. તેની અસર ઓડિશા અને છત્તીસગઢમાં પણ જોવા મળી શકે છે. અમદાવાદમાં વહેલી સવારે ઠંડીનો ચમકારો રાજ્યમાં ઘટતા તાપમાનની સાથે અમદાવાદ શહેરમાં પણ તાપમાન નીચું જઈ રહ્યું છે. અને વાતાવરણમાં ઠંડક પ્રસરી છે. જોકે, બપોરના સમયે હજી પણ ગરમીનો અહેસાસ થઈ રહ્યો છે. જોકે, એકંદરે તાપમાનમાં ઠંડક પ્રસરતા લોકોને ગરમીમાંથી નજીવી રાહત મળી છે. અમદાવાદ શહેરમાં વહેલી સવારે અને મોડી સાંજે ઠંડીનો ચમકારો વર્તાવવા લાગ્યો છે. ઘઉંના પાક માટે તાપમાન હાલ સાનુકૂળ નહીં : અંબાલાલ પટેલ અંબાલાલ પટેલનું વધુમાં કહેવું છે કે,23 નવેમ્બર બાદ ઉત્તરીય પર્વતીય પ્રદેશમાં હિમવર્ષા થશે અને હિમવર્ષાના કારણે ગુજરાતમાં ઠંડીની લહેર આવશે તો માર્ચ સુધી હવામાનમાં પલટા આવ્યા કરશે તો માર્ચ એપ્રિલ સુધી માવઠા આવી શકે તેવી પણ શકયતાઓ દેખાઈ રહી છે.ઘઉંના પાક માટે તાપમાન હાલ સાનુકૂળ નથી તો હાલ વાવણી થાય તો જીરા, દિવેલામાં ગરમીના કારણે ઉત્પાદન ઘટી શકે છે.બંગાળ ઉપસાગરમાં 20 થી 25 નવેમ્બર ડિપ ડિપ્રેશન બનશે અને તેના કારણે ચક્રવાત આવવાની પણ શકયતાઓ દેખાઈ રહી છે.