Gujarat Weather : રાજયમાં ફરી જોવા મળ્યો ઠંડીનો ચમકારો, પવનોની દિશા બદલાઈ

રાજ્યમાં હાલ બેવડી ઋતુનો અનુભવ થઈ રહ્યો છે,જેમાં સવારે અને રાત્રે ઠંડી જ્યારે બપોરે ગરમીનો અહેસાસ જોવા મળી રહ્યો છે,ત્યારે રાજ્યમાં ફરી ઠંડીનો ચમકારો જોવા મળ્યો છે,પવનની દિશા બદલાતા ઠંડીનો ચમકારો જોવા મળ્યો છે,તો બીજી તરફ મોટાભાગના જિલ્લામાં તાપમાન 2 ડિગ્રી ઘટ્યું છે અને નલિયામાં સૌથી ઓછું 11.8 ડિગ્રી તાપમાન નોંધાયું છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો અમદાવાદમાં 15.8 ડિગ્રી, ગાંધીનગરમાં 13.4 ડિગ્રી,મહુવામાં 14.1 ડિગ્રી, ડીસામાં 14.8 ડિગ્રી,કેશોદમાં 15.1 ડિગ્રી, પોરબંદરમાં 15.6 ડિગ્રી,રાજકોટમાં 15.7 ડિગ્રી, કંડલામાં 15.9 ડિગ્રી,વડોદરામાં 16 ડિગ્રી, સુરેન્દ્રનગરમાં 17 ડિગ્રી,ભાવનગર 17.4 ડિગ્રી,દ્વારકા 19.9 ડિગ્રી , ઓખા 21.4 ડિગ્રી,પોરબંદર 15.6 ડિગ્રી , વેરાવળ 19.3 ડિગ્રી,રાજકોટ 15.7 ડિગ્રી , સુરેન્દ્રનગર 17.0 ડિગ્રી,મહુવા 14.1 ડિગ્રી , કેશોદ 15.1 ડિગ્રી તાપમાન નોંધાયું છે.

બપોરના સમયે ગરમી પણ પડી શકે છે

ગુજરાતમાં ઠંડી ધીરે ધીરે વિદાય લઈ શકે છે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે.આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે.

રાજ્યમાં એક જ દિવસમાં તાપમાન 2 થી 5 ડિગ્રી વધી ગયુ છે

પવનની દિશા બદલાતા તાપમાનમાં વધારો થયો છે. જમ્મૂ-કાશ્મીરમાં નવું વેસ્ટર્ન ડિસ્ટર્બન્સ સક્રિય થતા ગુજરાત પર તેની મોટી અસર જોવા મળી છે. અમદાવાદના લઘુત્તમ તાપમાનમાં એક દિવસમાં 3.5 ડિગ્રીનો વધારો થયો છે. વહેલી સવારે લાગતી ઠંડીના પ્રમાણમાં ઘટાડો થયો છે. પરંતું ત્રણ દિવસ બાદ ફરી ઠંડીમાં સામાન્ય વધારો થઈ શકે છે. જો કે, હાલના દિવસોમાં મિશ્ર ઋતુ રહેતી હોવાના કારણે રોગચાળાના પ્રમાણમાં વધારો થયો છે. સવારે અને રાત્રે ઠંડી તો દિવસના ભાગમાં ગરમીનો અનુભવ થઈ રહ્યો છે.