Gujarat Weather : રાજયમાં પવનોની દિશા બદલાતા ઠંડીનું ઘટયું જોર

રાજયમાં પવનની દિશા બદલાતા ઠંડીમાં આંશિક ઘટાડો નોંધાયો છે,સાથે સાથે નલિયામાં સૌથી ઓછું 8.6 ડિગ્રી તાપમાન નોંધાયું છે,રાજ્યના હવામાન વિભાગનું અનુમાન છે,આગામી 24 કલાક બાદ ઠંડીનું જોર સામાન્ય ઘટશે અને ઉત્તર પૂર્વના પવનની દિશા બદલાતા ઠંડીમાં ઘટાડો નોંધાયો છે,આગામી સમયમાં ઠંડી ધીરે ધીરે વિદાય લે તેવી સંભાવના પણ દેખાઈ રહી છે. જાણો કેટલું તાપમાન નોંધાયું હવામાન વિભાગની આગાહી પ્રમાણે વાત કરવામાં આવે તો,અમદાવાદમાં 14.3 ડિગ્રી, ગાંધીનગરમાં 13.4 ડિગ્રી,કેશોદ અને રાજકોટમાં 10.7 ડિગ્રી,ડીસામાં 11.1 ડિગ્રી, પોરબંદરમાં 12.2 ડિગ્રી,કંડલામાં 13.2 ડિગ્રી, ભુજમાં 13.4 ડિગ્રી,મહુવામાં 13.5 ડિગ્રી, વડોદરામાં 13.8 ડિગ્રી,ભાવનગરમાં 13.9 ડિગ્રી, સુરેન્દ્રનગરમાં 14 ડિગ્રી,અમરેલીમાં 14.1 ડિગ્રી, વલ્લભ વિદ્યાનગર 14.2 ડિગ્રી તાપમાન નોંધાયું છે. રાજયમાં ઠંડીના ચમકારા સાથે માવઠાનું અનુમાન રાજયમાં વાતાવારણને લઈ હવામાન વિભાગનું અનુમાન છે કે,ઉત્તર ગુજરાતના ભાગોમાં કમોસમી વરસાદનું સંકટ રહેશે સાથે સાથે રાજસ્થાન પર સાયક્લોનિક સર્ક્યુલેશન સક્રિય થયું છે જેના કારણે સાયક્લોનિક સર્ક્યુલેશનથી રહેશે માવઠાની અસર સાથે સાથે આગામી સાત દિવસ વાતાવરણ શુષ્ક રહેશે સાથે સાથે હાલ સાયક્લોનિક સર્કયુલેશન સિસ્ટમને લઈને અમદાવાદમાં વાદળછાયું વાતાવરણ રહેશે,અમદાવાદ લઘુત્તમ 17 ડિગ્રી તાપમાન નોંધાયું છે,સાથે સાથે આવતીકાલથી 2-4 ડિગ્રી ઘટશે સાથે ફેબ્રુઆરી મહિનામાં સૌરાષ્ટ્ર અને કચ્છમાં કેટલાક જિલ્લામાં છુટા છવાયા હળવા વરસાદની આગાહી રહી છે. બપોરના સમયે ગરમી પણ પડી શકે છે ગુજરાતમાં ફરીથી ઠંડીનો ચમકારો વધશે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે.