Gujarat Weather: ગુજરાતમાં ઠંડીની વિદાય...કાળજાળ ગરમી ભુક્કા બોલાવશે! હવામાન વિભાગે આપી ચેતવણી

ગુજરાતમાંથી ઠંડી ગાયબ થઈ ગઈ હોય તેમ લાગી રહ્યું છે. છેલ્લા કેટલાક દિવસથી ગરમીમાં વધારો થઈ રહ્યો છે. પરંતુ રાજ્યમાં વેસ્ટર્ન ડિસ્ટર્બન્સને કારણે હવામાનમાં મોટો ફેરફાર જોવા મળી શકે છે. હવામાન વિભાગે આગાહી કરી છે.હવામાન વિભાગની આગાહી મુજબ, શિયાળો વિદાય લેવાના અંતિમ તબક્કામાં છે. ત્યારે રાજયમાં બેવડી ઋતુની અસર રહેશે જેના કારણે ગુજરાતમાં 34 થી 35 ડિગ્રી સુધી તાપમાન રહેશે. રાજ્યમાં લઘુતમ તાપમાન 15 ડિગ્રીથી વધુ રહેશે, જ્યારે મહત્તમ તાપમાન બપોરે 30 ડિગ્રીથી વધુ રહેશે. ગુજરાતમાં આગામી 5 દિવસ તાપમાન યથાવત રહેશે. કેટલાક વિસ્તારમાં વાદળછાયું વાતાવરણ રહેશે.રાજ્યમાં અત્યારે ઉત્તર પશ્ચિમથી ઉત્તરના પવનો જોવા મળી રહ્યાં છે. તેમણે કહ્યું કે એક વેસ્ટર્ન ડિસ્ટર્બન્સ પસાર થઈ રહ્યું છે, જેથી કેટલીક જગ્યાએ વાદળછાયું વાતાવરણ જોવા મળી શકે છે. આગામી એક સપ્તાહ સુધી રાજ્યમાં હવામાનમાં કોઈ મોટા ફેરફાર જોવા મળશે. તો મહત્તમ અને લઘુત્તમ તાપમાન બે દિવસ ફોલિંગ ટેન્ડેન્સીમાં જોવા મળશે. ત્યારબાદ તાપમાનમાં વધારો થઈ શકે છે. વધુ એક વેસ્ટર્ન ડિસ્ટર્બન્સ ઉભું થયું છે. ગુજરાતમાં પણ અનેક જિલ્લાઓમાં વાદળો મંડરાયા છે. અંબાલાલ પટેલે 19 તારીખ સુધીની આગાહી કરી છે. તેના બાદથી ગરમીનો રાઉન્ડ શરૂ થશે. ગુજરાતમાં પણ વાદળછાંયુ વાતાવરણ રહેવાની આગાહી હવામાન નિષ્ણાંત અંબાલાલ પટેલે કરી છે. જેના કારણે ખેડૂતોની ચિંતામાં મોટો વધારો થયો છે. મેદાની રાજ્યોમાં સવારે ઠંડી અને બપોરે ગરમીનો અનુભવ થઈ રહ્યો છે. જેના કારણે લોકો પરેશાન થઈ ગયા છે. જોકે ફેબ્રુઆરી મહિનામાં ગરમી શરૂ થઈ જતાં હવામાન વિભાગ પણ ચિંતામાં મૂકાઈ ગયું છે.