Gujarat Breaking News LIVE: ભાવનગરમાં રખડતા ઢોરે બાઈકચાલકનો જીવ લીધો

નૂતન વર્ષના પર્વ પર ગુજરાતના અનેક મંદિરોમાં ભક્તોની ભીડ ઉમટી. સોમનાથ મંદિરમાં વહેલી સવારે મોટી સંખ્યામાં ભક્તોએ દાદાના દર્શન કર્યા હતા. તો અહીંયા શક્તિપીઠ અંબાજીમાં ભક્તોનું ઘોડાપૂર ઉમટ્યું. ઊંઝા ઉમિયા ધામ ખાતે નૂતન વર્ષને લઇને માતાજીને વિશેષ શણગાર કરવામાં આવ્યો હતો. મહારાષ્ટ્ર અને ઝારખંડમાં વિધાનસભાની ચૂંટણીને લઈને રાજકારણ ગરમાયું છે. મહારાષ્ટ્રમાં ઘણા બળવાખોર ઉમેદવારોએ રાજકીય પક્ષોની ચિંતા વધારી દીધી છે. કેન્દ્રીય ગૃહમંત્રી અમિત શાહ આજે એટલે કે શનિવારે ઝારખંડના પ્રવાસે રાંચી પહોંચશે. બીજા દિવસે તેઓ ધલભૂમગઢ, બરકાથા અને સિમરિયામાં ત્રણ રેલીઓને સંબોધિત કરશે. થાઈલેન્ડના વિદેશ મંત્રી મારિસ સાંગિયામ્પોંગસા ભારતની મુલાકાતે દિલ્હી પહોંચશે. જ્યાં તેઓ ભારતીય સમકક્ષ એસ જયશંકરને મળશે. અન્નકૂટ પર્વ નિમિત્તે ગંગોત્રી ધામના દરવાજા શિયાળા માટે બંધ રહેશે. ગોરખપુર અને રાંચી વચ્ચે નવી સાપ્તાહિક એક્સપ્રેસ ટ્રેનનું સંચાલન નિયમિતપણે શરૂ થશે. અમે દિવસભર તમામ સમાચાર અપડેટ કરતા રહીશું અને આપના સુધી તમામ સમાચારો પહોંચાડીશું,અહીં તમને દેશ અને દુનિયાના દરેક બ્રેકિંગ ન્યૂઝ મળશે. દિવસના મોટા સમાચારો માટે એક ક્લિક કરીને જાણવા માટે, અમારા પેજ પર રહો અને રિફ્રેશ કરતા રહો.