Godhra:નિયામક મંડળના ખેડૂત વિભાગની ચૂંટણીમાં 99% મતદાન નોંધાયું

Oct 18, 2025 - 02:00

Join our WhatsApp Community to receive travel deals, free stays, and special offers!
- Join Now -

મોરવા હડફ ખેતીવાડી ઉત્પન્ન બજાર સમિતિ નિયામક મંડળ ખેડૂત વિભાગની ચૂંટણી માટે શુક્રવારે મતદાન પ્રક્રિયા યોજાઈ હતી. જેમાં 99% મતદાન સાથે શાંતિપૂર્ણ માહોલમાં સંપન્ન થઈ છે. ખેડૂત વિભાગની દશ બેઠકો માટે 18 ઉમેદવારો વચ્ચે ચૂંટણી જંગ મંડાયો છે. જેના માટે 221 પૈકી 219 મતદારોએ ઉત્સાહભેર મતદાન કરી ઉમેદવારોના ભાવિ મતપેટીમાં સીલ કર્યા હતાં. જેનો આવતીકાલે તા.18મીએ મતગણતરીના અંતે ફેંસલો થશે.

મોરવા હડફ એપીએમસીના નિયામક મંડળની ચૂંટણીમાં ખેડૂત વિભાગની દશ બેઠકો માટે કુલ 18 ઉમેદવારો વચ્ચે ચૂંટણી જંગ મંડાયો હતો. જેમાં ભાજપા પ્રેરિત પેનલના દશ ઉમેદવારોને પક્ષ દ્વારા મેન્ડેટ આપવામાં આવ્યો હતો જ્યારે અન્ય ઈચ્છુક દાવેદારોએ પણ ચૂંટણી જંગમાં ઝંપલાવ્યું હતું. દરમિયાન આજે એપીએમસી ખાતે મતદાન યોજાતાં ખેડૂત વિભાગના 221 પૈકી 219 મતદારોએ મતદાન કરી ઉમેદવારોના ભાવિ મત પેટીમાં સીલ કર્યા છે.