Gir Somnath: ગેરકાયદે સિંહ દર્શન કરતાં 10 યુવકો સામે તંત્રની લાલ આંખ!

ગીર સોમનાથના ઝાંખીયા નજીક ગેરકાયદે સિંહ દર્શન કરતાં લોકો સામે તંત્રએ લાલ આંખ કરી છે. બાબરીયા રેન્જ વન વિભાગે પેટ્રોલિંગ દરમિયાન 10 યુવકો ઝડપાયા છે. ગેરકાયદે સિંહ દર્શન કરતા 10 યુવકો સામે 80 હજારનો દંડ ફટકાર્યો છે.

બાબરીયા રેન્જ વનવિભાગ દ્વારા ગેરકાયદેસર સિંહ દર્શન કરતાં લોકો સામે વન વિભાગે મોટી કાર્યવાહી હાથ ધરી છે. ઝાંખીયા નજીક ગેરકાયદેસર સિંહદર્શન કરવાના ઇરાદે ઘૂસેલા 8 યુવકોને વન વિભાગે ઝડપી પાડ્યા છે. બાબરીયા R.F.O ની સૂચનાથી સંવેદનશીલ વિસ્તારમાં વનવિભાગનું પેટ્રોલિંગ દરમ્યાન મોટી કાર્યવાહી કરાઇ છે. વનવિભાગ દ્વારા ટોટલ 10 યુવકો વિરુદ્ધ કાયદેસરની કાર્યવાહી કરી 80,000 રૂપિયાનો દંડ ફટકારવામાં આવ્યો છે. જંગલ વિસ્તાર નજીક ગેરકાયદેસર સિંહ દર્શન કરવાનાં ઇરાદે આંટા ફેરા મારતા લોકોમાં ફફડાટ ફેલાયો છે. 

સિંહ દર્શન કરાવતા યુવકોને ઝડપી કાયદેસરની કાર્યવાહી હાથ ધરી છે. ઉપરાંત તેમની પૂછપરછમાં અન્ય કેટલાક લોકોના નામો ખુલ્યા છે. અન્ય વાહનો પણ હોવાની માહિતીઓ મળી છે. ત્યારે વનવિભાગની ટીમ દ્વારા મૂળ સૂત્રધાર સુધી પહોંચવા અને અન્ય સિંહ દર્શન કરનારા લોકો સુધી પહોંચવા માટેની કવાયત હાથ ધરવામાં આવી છે ઉપરાંત સ્થાનિક લોકોને પણ ગીર પૂર્વ ડિવિઝન દ્વારા સોશ્યિલ મીડિયા મારફતે અપીલ કરવામાં આવી છે