Giorgia Meloniએ પોતાની ભાષામાં વડાપ્રધાન મોદીને જન્મદિવસની પાઠવી શુભેચ્છા, જાણો શું કહ્યું

વડાપ્રધાન નરેન્દ્ર મોદી મંગળવારે (17 સપ્ટેમ્બર) પોતાનો 74મો જન્મદિવસ ઉજવી રહ્યા છે. આ અવસર પર પીએમ મોદીને દેશ-વિદેશમાંથી જન્મદિવસની શુભેચ્છા સંદેશો મળી રહ્યા છે. ઈટાલીના વડા પ્રધાન જ્યોર્જિયા મેલોનીએ સોશિયલ મીડિયા પ્લેટફોર્મ 'એક્સ' (અગાઉ ટ્વિટર) પર શેર કરેલા એક ખાસ સંદેશ દ્વારા વડા પ્રધાન નરેન્દ્ર મોદીને તેમના 74માં જન્મદિવસની શુભેચ્છા પાઠવી છે. 'પીએમ મોદીને જન્મદિવસની શુભકામનાઓ' એક્સ પર એક પોસ્ટમાં જ્યોર્જિયા મેલોનીએ કહ્યું, "ભારતના વડાપ્રધાન નરેન્દ્ર મોદીને જન્મદિવસની શુભેચ્છા. મને ખાતરી છે કે આપણે ઈટાલી અને ભારત વચ્ચેની આપણી મિત્રતા અને સહયોગને મજબૂત કરવાનું ચાલુ રાખીશું, વૈશ્વિક પડકારોનો સાથે મળીને સામનો કરી શકાય." તમને જણાવી દઈએ કે પીએમ મોદીનો જન્મ 17 સપ્ટેમ્બર 1950ના રોજ ગુજરાતના વડનગરમાં થયો હતો. નરેન્દ્ર મોદી સતત ત્રીજી વખત ભારતના પીએમ તરીકે ચૂંટાયેલા બીજા વડાપ્રધાન છે. ભાજપનું સેવા પખવાડિયું તમને જણાવી દઈએ કે, પીએમ મોદીના જન્મદિવસના પર ભારતીય જનતા પાર્ટી સેવા પખવાડિયું શરૂ કરવા જઈ રહી છે. સેવા પખવાડિયું 17મી સપ્ટેમ્બરથી 2જી ઓક્ટોબર સુધી ચાલશે. આ સેવા પખવાડિયામાં ભાજપના કાર્યકર્તાઓ દેશના વિવિધ સમાજો અને વર્ગો સાથે જોડાશે અને સમસ્યાઓનો ઉકેલ શોધશે. તેમજ દેશના અનેક જિલ્લાઓમાં આ અવસર પર વિવિધ કાર્યક્રમોનું આયોજન કરવામાં આવશે. જ્યોર્જિયા મેલોનીએ પત્રકાર તરીકે કર્યું છે કામ રાજકારણમાં પ્રવેશતા પહેલા, જ્યોર્જિયા મેલોની એક પત્રકાર હતી. તે 45 વર્ષની વયે ઈટાલીના વડાપ્રધાન બન્યા હતા. જ્યોર્જિયા મેલોનીનો જન્મ 15 જાન્યુઆરી, 1977ના રોજ રોમમાં થયો હતો. તેમની એક પુત્રી પણ છે, જ્યોર્જિયા મેલોનીના પિતા એકાઉન્ટન્ટ હતા. જ્યોર્જિયા 2008માં 31 વર્ષની વયે ઈટાલીના સૌથી યુવા મંત્રી બન્યા હતા. જ્યોર્જિયાએ 2021માં 'I AM Giorgia' નામનું પુસ્તક પણ લખ્યું છે, જે ચર્ચામાં રહ્યું હતું.