Gandhinagar: ધેધુ ચાર રસ્તા પાસેથી બાઈક પર 5 કિલો ગાંજો લઈ જતા 2 પેડલર ઝડપાયા

ગાંધીનગર જિલ્લામાં માદક પદાર્થોની હેરાફેરી અને વેચાણ રોકવા માટે ચાલી રહેલા એન્ટી-ડ્રગ્સ ડ્રાઈવ અંતર્ગત કલોલ તાલુકા પોલીસને એક મોટી સફળતા મળી છે. કલોલના ધેધુ ચાર રસ્તા વિસ્તારમાંથી બે શખ્સો મોટરસાયકલ પર મોટો નશાનો જથ્થો છુપાવીને કલોલ કે આસપાસના ઔદ્યોગિક વિસ્તારોમાં સપ્લાય કરવા નીકળ્યા હોવાની ગુપ્ત અને સચોટ લાઈવ બાતમી પોલીસને મળી હતી. બાતમીના આધારે કલોલ તાલુકા પોલીસ સ્ટેશનની સર્વેલન્સ ટીમે ધેધુ ચાર રસ્તા પાસે વ્હીકલ ચેકિંગ માટે વોચ ગોઠવી દીધી હતી.

ચેકિંગ દરમિયાન થેલામાંથી નિકળ્યો ગાંજો

નાકાબંધી દરમિયાન બાતમી વાળી મોટરસાયકલ ત્યાંથી પસાર થતાં પોલીસે તેને કોર્ડન કરીને અટકાવી હતી. બાઈક પર સવાર બંને શખ્સો પોલીસને જોઈને ગભરાઈ ગયા હતા. પોલીસે બંનેની અટકાયત કરી તેમની પાસે રહેલા થેલાની સઘન લાઈવ તલાશી લેતા તેમાંથી માદક પદાર્થ ગાંજાના પેકેટો મળી આવ્યા હતા. તોલમાપ કરાવતા આ જથ્થો ૫.૦૬ કિલોગ્રામ હોવાનું સામે આવ્યું હતું, જેની કાનૂની બજાર કિંમત આશરે 2,53,000 થાય છે. પોલીસે ત્વરિત કાર્યવાહી કરી ટ્રાન્સપોર્ટમાં વપરાયેલી બાઈક, આરોપીઓના મોબાઈલ ફોન અને તેમની પાસેથી મળેલી રોકડ રકમ મળી કુલ 4.39 લાખનો મુદ્દામાલ જપ્ત કર્યો છે.

સ્થાનિક કનેક્શન ખુલ્યું, 2 વોન્ટેડ

પોલીસ મથકે લાવીને બંને આરોપીઓની કડક પૂછપરછ કરતાં ચોંકાવનારો ખુલાસો થયો હતો કે તેઓ આ ગાંજાની ડિલિવરી સ્થાનિક કલોલ પંથકના બે મોટા નશાના વેપારીઓને આપવાના હતા. આ ગાંજો કોની પાસેથી લાવવામાં આવ્યો હતો અને જે બે શખ્સોએ આ જથ્થો મંગાવ્યો હતો, તે બંને મુખ્ય સૂત્રધારોને પોલીસે વોન્ટેડ જાહેર કરીને તેમને પકડવા માટે અલગ-અલગ ટીમો રવાના કરી છે. કલોલ પોલીસે પકડાયેલા બંને આરોપીઓ વિરુદ્ધ એનડીપીએસ (NDPS Act) હેઠળ ગુનો નોંધીને આ ડ્રગ સિન્ડિકેટના મૂળ સુધી પહોંચવા માટે કોર્ટમાંથી રિમાન્ડ મેળવવાની તજવીજ લાઈવ તેજ કરી છે.

આ પણ વાંચો:  Surat: 26 જૂન આંતરરાષ્ટ્રીય ડ્રગ્સ વિરોધી દિવસ, પાલ વિસ્તારમાં જાગૃતિ રેલીમાં પોલીસનો કાફલો રોડ પર ઉતર્યો