Gadhada: ગઢડાની કેબીસી ફેઈમ દિકરી ધીમહિ ત્રિવેદી ટેબલ ટેનીસમાં ઝળકી

Feb 20, 2025 - 20:00

Join our WhatsApp Community to receive travel deals, free stays, and special offers!
- Join Now -

ગઢડા (સ્વામીના) શહેરમાં રહેતી ધીમહિ રાજેન્દ્રકુમાર ત્રિવેદીએ તાજેતરમાં સૌરાષ્ટ્ર યુનિવર્સિટીની ઇન્ટર કોલેજ ટેબલ ટેનિસ ટુર્નામેન્ટમાં ભાગ લઈ યુનિવર્સિટીમાં દ્વિતીય ક્રમ મેળવીને સિલ્વર મેડલ અને ટ્રોફી જીતી લીધી છે.

તેમજ સૌરાષ્ટ્ર યુનિવર્સીટી માંથી ઇન્ટર યુનિવર્સિટી નૅશનલ ટેબલ ટેનિસ ટૂર્નામેન્ટ રમવા માટે મધ્યપ્રદેશના સતના ખાતે ગયેલ. જ્યાં તેમણે સુંદર દેખાવ કરેલ. ઉપરાંત તાજેતરમાં યોજાયેલ ખેલ મહાકુંભમાં પણ સતત નવમી વાર સિંગલ અને ડબલ્સ ટેબલ ટેનિસ ટુર્નામેન્ટમાં ડિસ્ટ્રિક્ટ ચેમ્પિયન બની ગઢડાનુ ગૌરવ વધાર્યું છે.

ઉલ્લેખનીય છે કે ધીમહિ ત્રિવેદી ગત વર્ષે ખ્યાતનામ ટીવી શો કૌન બનેગા કરોડપતિ માં સદી ના મહાનાયક અમિતાભ બચ્ચનની સામે હોટ સીટ પર બેસી ને પણ ખૂબ પ્રખ્યાતી પામેલ છે. ગાયત્રી ગુરુકૃપા કોલેજ લાઠી દ્વારા ધીમહિ ને ટ્રોફી અને સર્ટિફિકેટ આપી બહુમાન કરવાં આવ્યું હતું.