Dhandhuka: આંબલી પાસે બાઇક અને કારની ટક્કરમાં 1નું મોત, અન્ય 3ને ઇજા

ધોલેરા અમદાવાદ હાઈવે પર આંબલી નજીક કાર અને બાઇક વચ્ચે અકસ્માત સર્જાતા એક વ્યક્તિનું મોત થયું હતું. જ્યારે અન્ય ત્રણ લોકો ઈજાગ્રસ્ત થયા હતા. તો ધંધૂકા રોજકા માર્ગ પર મગફ્ળી ભરેલો ટ્રક પલ્ટી મારી જતા અકસ્માત સર્જાયો હતો. ધોલેરા અમદાવાદ હાઈવે માર્ગ પર કાર અને બાઇક વચ્ચે અકસ્માત સર્જાયો હતો. વાલીન્ડા ગામના પ્રવિણભાઈ ચૌહાણ તેમના પત્ની અને બાળકો સાથે નૈવેધનો પ્રસાદ લઈ બાઇક પર પરત ભાવનગર જઈ રહ્યા હતા. ત્યારે આંબલી નજીક કાર સાથે બાઇકની ટક્કર થતા તેમના વાહનનો ભાંગીને ભૂક્કો થયો હતો. જ્યારે બાઇક પર સવાર લોકો ઈજાગ્રસ્ત થયા હતા. જે પૈકી અવની પ્રવિણભાઈ ચૌહાણને ગંભીર ઇજાઓ થતા સારવાર દરમિયાન મોત થયું હતું. જયારે પ્રવિણભાઈ અને તેમના પત્ની ભાવનગર હોસ્પિટલમાં હાલ સારવાર હેઠળ છે. અકસ્માતની અન્ય એક ઘટના ધંધૂકા રોજકા માર્ગ પર ભૂતિયા દાદાની દરગાહ નજીક ઘટી હતી. જેમાં જેતપુરથી પુના (મહારાષ્ટ્ર) તરફ્ મગફ્ળીની બોરીઓ લઈ જઈ રહેલો ટ્રક અચાનક રોડ પર પલટી ખાઇ ગયો હતો. આ ઘટનામાં ચાલકનો આબાદ બચાવ થયો હતો. માર્ગ પર ટ્રક આડો પડી જતા વાહન વ્યવહાર થોડા સમય માટે ખોરંભે પડયો હતો.