BZના સંચાલક ભૂપેન્દ્ર ઝાલાની મહેસાણા જિલ્લાની હદમાંથી થઈ ધરપકડ

BZ કૌભાંડ મામલે મહત્વના સમાચાર સામે આવી રહ્યા છે. CID ક્રાઈમે BZ ના સંચાલક ભૂપેન્દ્ર ઝાલાની ધરપકડ કરી લીધી છે. CID ક્રાઈમે મહેસાણા જિલ્લાની હદમાંથી BZ ના સંચાલક ભૂપેન્દ્ર ઝાલાની ધરપકડ કરી લીધી છે.

રાજ્યભરમાં 6 હજાર કરોડથી વધુના કૌભાંડમાં મોટા સમાચાર સામે આવ્યા છે. BZ કૌભાંડનો આરોપી ભૂપેન્દ્રસિંહની મહેસાણા જિલ્લાની હદમાંથી ઝડપી પાડ્યો છે. મળતી માહિતી મુજબ, રાજ્યમાં પોંઝી સ્કીમો થકી સૌથી મોટા રૂ.6 હજાર કરોડનાં BZ ગ્રૂપ કૌભાંડ મામલે સૌથી મોટા સમાચાર આવ્યા છે. CID ક્રાઇમે BZ ગ્રૂપનાં માલિક ભૂપેન્દ્રસિંહ ઝાલાની ધરપકડ કરી છે. મહેસાણા જિલ્લામાંથી ભાગેડું ભૂપેન્દ્રસિંહ ઝાલાની આખરે ધરપકડ કરવામાં આવી છે. માહિતી અનુસાર, દવાડા ગામથી ભૂપેન્દ્રસિંહ ઝાલાની ધરપકડ કરાઈ છે. BZના સંચાલકની ધરપકડ બાદ હવે CID ક્રાઈમે ભૂપેન્દ્રસિંહ ઝાલાને આશરો આપનાર કોણ અને આ કૌભાંડ આચરવામાં કોનો મોટો હાથ છે તે દિશામાં પૂછપરછ સાથે તપાસનો ધમધમાટ શરૂ.

ભૂપેન્દ્ર ઝાલાના ભાઇ રણજીતસિંહની પૂછપરછ

 CID ક્રાઇમે BZના સંચાલક ભૂપેન્દ્ર ઝાલાના ભાઇ રણજીતસિંહની અટકાયત કરવામાં આવી હતી. CID ક્રાઇમ દ્વારા રણજીતસિંહની પૂછપરછ કરવામાં આવી રહી છે. સમગ્ર મામલે ભૂપેન્દ્રસિંહ સાથેના સંપર્ક અંગે પૂછપરછ કરવામાં આવી રહી છે. આ સાથે આરોપીઓના લોકેશન અને નાણાકીય વ્યવહારો સંદર્ભે પૂછપરછનો ધમધમાટ આદર્યો છે. CIDની તપાસમાં કંપનીઓની વિગતો સામે આવી છે. 4 મુખ્ય કંપનીઓના ઓડીટ રીપોર્ટ સામે આવ્યો છે. 95 કરોડ પરત કરવાના બાકી હોવાનું સામે આવ્યું છે.

તો બીજી તરફ BZ ફાઇનાન્સના કૌભાંડને લઈને કોર્ટમાં મહત્વના ખુલાસા થયા છે. CID ક્રાઇમે 360 કરોડના બેંક વ્યવહાર સાથે જ 52 કરોડના રોકડ વ્યવહારના ચોપડાનો ઘટસ્ફોટ કોર્ટમાં કર્યો હતો. પોલીસ તપાસમાં અત્યારસુધી 360,72,65,524 બેંક ટ્રાન્ઝેક્શન અને 52,00,00,000 રોકડ હિસાબ પણ સીઆઈડી ક્રાઈમના હાથે લાગ્યા છે. પ્રિન્સિપલ ડિસ્ટ્રિક્ટ કોર્ટમાં પકડાયેલા 6 આરોપીની જામીન અરજીની સુનાવણી દરમિયાન સરકારી વકીલ પી એમ ત્રિવેદી દ્વારા કોર્ટમાં દલીલ કરી હતી.