Bharuch News: અંકલેશ્વરમાં SMCની રેડ, પાના પત્તાના જુગારધામ પરથી 13 જુગારી ઝડપાયા, 82 વોન્ટેડ જાહેર

ભરૂચ જિલ્લાના અંકલેશ્વરમાં સ્ટેટ મોનિટરિંગ સેલની ટીમે મોટી સપાટો બોલાવતા ગેરકાયદેસર ચાલતા પાના પત્તાના જુગારધામ પર સફળ દરોડો પાડ્યો છે. SMC ની ટીમે ગુપ્ત બાતમીના આધારે આયોજનબદ્ધ રીતે દરોડાની કામગીરી હાથ ધરી હતી. આ સઘન કાર્યવાહીથી સ્થાનિક જુગારના અડ્ડા ચલાવતા તત્વો અને જુગારીઓમાં ભારે ફફડાટ વ્યાપી ગયો છે.

₹1.55 લાખની રોકડ સાથે ₹2.80 લાખનો મુદ્દામાલ જપ્ત

દરોડા દરમિયાન SMC ની ટીમે સ્થળ પરથી ₹1.55 લાખની રોકડ રકમ સહિત કુલ ₹2.80 લાખનો મુદ્દામાલ જપ્ત કર્યો છે. આ સિવાય જુગારના સાધનો, મોબાઈલ ફોન અને અન્ય વસ્તુઓ પણ પોલીસે કસ્ટડીમાં લીધી છે. પોલીસે સ્થળ પરથી જુગાર રમતા 13 આરોપીઓની રંગેહાથ ધરપકડ કરી કાયદેસરની તજવીજ હાથ ધરી છે.

ગુલામ મુસ્તુફા અને ફરીદખાન સહિત 13 આરોપીઓની ધરપકડ

પોલીસે સ્થળ પરથી ઝડપેલા 13 આરોપીઓમાં ગુલામ મુસ્તુફા શેખ, ફરીદખાન પઠાણ, ભાવરાવ વાનખેડે, સંતોષ પટેલ અને જયેશ જીવરાજાણીનો સમાવેશ થાય છે. આ ઉપરાંત મહેન્દ્રસિંહ ભદોરિયા, બીપીન બગટના, ધર્મેન્દ્ર પટેલ, અભિષેક જોષી, હિરેન ભિયાણી, જીવન કોળી, મેહુલ સુરતી અને સલીમ ગેમલસંગ રાજની પણ પોલીસે સ્થળ પરથી ધરપકડ કરીને કાયદેસરની કાર્યવાહી હાથ ધરી છે.

સલીમ પાઉચ અને ઝહીર શેખ સહિત 82 આરોપીઓ વોન્ટેડ

દરોડા દરમિયાન ભાગી છૂટેલા અને જુગારધામ સાથે સંકળાયેલા અન્ય 82 આરોપીઓની પોલીસે શોધખોળ હાથ ધરી છે. વોન્ટેડ આરોપીઓમાં સલીમ ઉર્ફે પાઉચ સૈયદ અને ઝહીર શેખ જેવા મુખ્ય નામો પણ સામે આવ્યા છે. આ સમગ્ર મામલે અંકલેશ્વર એ-ડિવિઝન પોલીસ સ્ટેશનમાં જુગારધારા હેઠળ ગુનો નોંધવામાં આવ્યો છે. નાસી છૂટેલા તમામ 82 આરોપીઓને ઝડપી પાડવા અને આ આખા રેકેટના મૂળ સુધી પહોંચવા પોલીસે વધુ તપાસ તેજ કરી છે.

આ પણ વાંચો - Bharuch SOGનો અંકલેશ્વર GIDCમાં દરોડો: ફ્લેટમાંથી 1 કિલો ગાંજો અને 12 ગ્રામ MD ડ્રગ્સ ઝડપાયું