Bavla: કેસરડી - શિયાળ રોડ પાસેથી નશાકારક કફસીરપનો જથ્થો બિનવારસી મળ્યો

Sep 25, 2025 - 05:30

Join our WhatsApp Community to receive travel deals, free stays, and special offers!
- Join Now -

અમદાવાદ જિલ્લાના બાવળા તાલુકાના કેસરડી - શિયાળ રોડ પર 1367 નંગ કોડીન યુક્ત કફ્ સીરપનો બોટલનો જથ્થો પોલીસે બિનવારસી હાલતમાં કબ્જે કરી હતી. કેરાળા જીઆઇડીસી પોલીસ મથકના કો. કિરીટસિંહ વાળાને બાતમી મળી હતી કે કેસરડીથી શિયાળ બાજુ જવાના કાણોતર ગામના રોડ પાસે એક સફેદ કલરની ઈકો કાર લઈ બે ઇસમ કફ્ સીરપનો જથ્થો લઈ શિયાળ બાજુના રોડ પાસે કાર પાર્ક કરી કફ્ સીરપનો જથ્થો રોડ પર મૂકી દઈ ત્યાંથી નીકળી ગયેલા છે. એથી પોલીસ દ્વારા તાત્કાલિક બાતમીના સ્થળ વાળી જગ્યાએ તપાસ કરતા રોડ પર મૂકેલો બિનવારસી કફ્સીરપના જથ્થા સહિત કારને કબજે કરી હતી. પોલીસ દ્વારા પ્રાથમિક તપાસમાં પાર્ક કરેલી કાર અને કફ્ સીરપનો જથ્થો અજય ઉર્ફ ભોલી પ્રભુભાઈ સોલંકી રહે. ડરણ , શ્રાવણ ઉર્ફ સલ્લુ ભરતભાઈ ગોહેલ રહે. જુવાલ સુમિત જયંતિભાઈ સોલંકી રહે.શિયાળ અને રવિ રાજુભાઈ ભાલોડિયા રહે.શિયાળનો જાણવા મળતા પોલીસે ચારે આરોપીઓને વોન્ટેડ જાહેર કરી એનડીપીએસ એક્ટ મુજબ ગુનો નોંધી વધુ તપાસ હાથ ધરી હતી.