Ahmedabad: બાપુનગરમાં શખ્સે મહિલાને જાહેરમાં તલવારનો ઘા માર્યો

બાપુનગરમાં એક મહિના પહેલા મહિલાની પુત્રી ભાગી જતા શખ્સ સાથે ઝઘડો થયો હતો.

તેની અદાવતમાં શખ્સે મહિલાને જાહેરમાં માથમાં તલવારનો ઘા માર્યો હતો. જેથી તેમને સારવાર અર્થે હોસ્પિટલમાં લઈ જવામાં આવ્યા હતા. આ અંગે મહિલાએ શખ્સ સામે બાપુનગર પોલીસ સ્ટેશનમાં ફરિયાદ નોધાવી છે.

રખિયાલમાં 35 વર્ષીય અનીતાબેન પટણી પરિવાર સાથે રહે છે. તેમની નાની પુત્રી મહિના પહેલા ઘરેથી ભાગી ગઇ હતી. એક મહિના પહેલા અનિતાબેન અને સની પટણી સાથે તે બાબતે ઝઘડો થયો હતો. ગત 26 નવેમ્બરે અનીતા બાપુનગરમાં રહેતી પોતાની બહેનપણી પિંકીને મળના તેના ઘરે ગઈ હતી. ત્યારે તેની અદાવત રાખીને સની અચાનક પિંકીના ઘરે આવી ઝઘડો કરવા લાગ્યો હતો. ત્યારબાદ સનિએ અનિતાને બીભત્સ ગાળો બોલી જતો રહ્યો હતો. જે બાદ સાંજે અનિતા ઘરે પાછી જતી હતી ત્યારે સનિએ તેને બાપુનગર પાસે રોકીને ફરીથી ઝઘડો કર્યો હતો. ઝઘડો વધતા શનિએ ઉશ્કેરાઇને અનિતાને માથામાં તલવારથી ઘા મારીને તેને લોહિલુહાણ કરી હતી. અનીતાએ બૂમાબૂમ કરતા સની ત્યાથી નાસી ગયો હતો, જ્યારે આસપાસના લોકોએ ભેગા થઈ અનિતાને સારવાર માટે હોસ્પિટલ મોકલીહતી. આ અંગે અનિતાએ શનિ સામે બાપુનગર પોલીસ સ્ટેશનમાં ફરિયાદ નોંધાવી છે.