Ahmedabad: કોમ્યુનિટી હોલ, પાર્ટી પ્લોટના સંચાલન માટે AMCના નિવૃત્ત કર્મીઓ નીમાશે

Ahmedabad: કોમ્યુનિટી હોલ, પાર્ટી પ્લોટના સંચાલન માટે AMCના નિવૃત્ત કર્મીઓ નીમાશેશહેરના જુદા જુદા વિસ્તારોમાં આવેલા AMC સંચાલિત કોમ્યુનિટી હોલ, પાર્ટી પ્લોટ, ઓડિટોરીયમ, પીકનીક હાઉસ, ઓપન એર થીયેટર, વગેરેનું યોગ્ય પ્રકારે સંચાલન અને જાળવણી થતી ન હોવા અંગેની વ્યાપક ફરિયાદોને ધ્યાનમાં લઈને AMCના 88 જેટલા કોમ્યુનિટી હોલ, પાર્ટી પ્લોટનું યોગ્ય સંચાલન થાય તે માટે 24 જેટલા નિવૃત્ત કર્મચારીની ફ્ક્સિ પગારથી નિમણુક કરવાની કવાયત હાથ ધરાઈ છે. આ હેતુસર આવતીકાલે યોજાનારી સ્ટેન્ડીંગ કમિટિમાં દરખાસ્ત રજૂ કરાશે. AMC દ્વારા હવે કોમ્યુનિટી હોલ, પાર્ટી પ્લોટ સહિતના સ્થળે રૂ.15 હજારની પગાર મર્યાદામાં નિવૃત્ત કર્મચારીની નિમણુક કરવામાં આવનાર છે. AMC દ્વારા દર મહિને રૂ. 15,000ના પગારથી 28 કર્મચારીઓની નિમણુકને પગલે વર્ષે AMCની તિજોરી પર રૂ. 50.40 લાખનું ભારણ પડશે.