Ahmedabad News : અમદાવાદ-ગાંધીનગર હાઈવે પર બેફામ રીતે દોડતા ડમ્પરની ટક્કરથી એકનું મોત

બેફામ ડમ્પર ચાલકે વધુ એકનો જીવ લીધો છે, અમદાવાદ-ગાંધીનગર હાઈવે પર અકસ્માત થયો છે, જેમાં ડમ્પર ચાલકની ટક્કરે એકનું મોત થયું છે, પાછળ બેઠેલો એક વ્યકિત ઈજાગ્રસ્ત થતા તેને સારવાર હેઠળ ખસેડાયો છે, તો આ સમગ્ર ઘટનામાં ડમ્પર ચાલક અકસ્માત સર્જી ફરાર થયો છે અને પોલીસે ઘટના સ્થળે જઈ તપાસ હાથધરી છે.

ડમ્પર ચાલકે બાઈકને ટક્કર મારતા શ્રમિકનું મોત

અમદાવાદ-ગાંધીનગર હાઈવે પર ડમ્પર ચાલકે બાઈક ચાલકને અડફેટે લેતા એક શ્રમિકનું મોત થયું છે ત્યારે અન્ય એક શ્રમિક ઈજાગ્રસ્ત થતા તેને સારવાર હેઠળ ખસેડવામાં આવ્યો છે, બાઈકને ટક્કર મારી ડમ્પર ચાલક ફરાર થયો છે, પોલીસે સીસીટીવીના આધારે તપાસ હાથધરી છે, ઘટનાની જાણ થતા રોડ પરથી સવાર થતા લોકો ઉભા રહી ગયા હતા અને ઈજાગ્રસ્તને સારવાર હેઠળ ખસેડયો હતો, ફુલ સ્પીડમાં ડમ્પર હંકારીને ડમ્પર ચાલકે એકનો જીવ લીધો છે.

ગુજરાતમાં બેફામ રીતે દોડતા ડમ્પરનો આતંક

ગુજરાતમાં બેફામ ડમ્પર ચાલકોનો ત્રાસ ઓછો નથી, બેફામ રીતે દોડતા ડમ્પરે અનેક લોકોના જીવ લીધા છે, પોલીસનું જાહેરનામું છે ભારે વાહનોને લઈ તેને પણ ડમ્પર ચાલકોના માલિક ઘોળીને પી ગયા છે, ત્યારે પોલીસ પણ આવી કોઈ ઘટના બને પછી દોડે છે, પરંતુ પહેલા આવા બેફામ ડમ્પર ચાલકોને લઈ કાર્યવાહી કરતી નથી, પાંચ દિવસ અગાઉ અમદાવાદના SP રિંગ રોડ પર સરદાર ધામ નજીક થયેલા અકસ્માતમાં એક્ટિવા ચાલકનું મોત થયું છે. ડમ્પર અને એક્ટિવા વચ્ચે થયેલી ટક્કર બાદ એક્ટિવાની પેટ્રોલની ટાંકી લીક થતાં અને સ્પાર્ક થતાં વિકરાળ આગ ફાટી નીકળી હતી.