Ahmedabad News : ગુજરાત યુનિવર્સિટીમાં મોટી કાર્યવાહી, 10 હંગામી કર્મચારીઓ સહિત અધિકારીઓ ફરજમુક્ત

ગુજરાત યુનિવર્સિટી (GU) મંડળ દ્વારા એક અત્યંત મહત્વનો અને આકરો નિર્ણય લેવામાં આવ્યો છે. યુનિવર્સિટી સત્તાધીશો દ્વારા વિવિધ વિભાગોમાં ફરજ બજાવતા 10 જેટલા હંગામી (કોન્ટ્રાક્ટ આધારિત) કર્મચારીઓને તાત્કાલિક અસરથી ફરજમુક્ત કરી દેવામાં આવ્યા છે. સત્તાધીશોની આ કડક બુલડોઝર કાર્યવાહીને કારણે યુનિવર્સિટીના સમગ્ર શૈક્ષણિક અને વહીવટી બેડામાં ભારે ખળભળાટ મચી ગયો છે.

GUSECના ગ્રુપ CEO સહિત ઉચ્ચ અધિકારીઓ સામે પગલાં

ફરજમુક્ત કરવામાં આવેલા કર્મચારીઓ અને અધિકારીઓમાં ‘ગુજરાત યુનિવર્સિટી સ્ટાર્ટઅપ એન્ડ આંત્રપ્રિન્યોરશિપ કાઉન્સિલ’ (GUSEC) ના ગ્રુપ CEO સહિતના મુખ્ય હોદ્દેદારોનો પણ સમાવેશ થાય છે. ઊંચા પગારધોરણ અને મહત્વના હોદ્દા ધરાવતા આ અધિકારીઓને અચાનક દૂર કરવામાં આવતા સમગ્ર કેમ્પસમાં ભારે ચર્ચા જાગી છે. યુનિવર્સિટી તંત્ર દ્વારા લેવાયેલા આ આકરા પગલાંથી અન્ય અધિકારીઓ અને કર્મચારીઓમાં પણ ફફડાટ વ્યાપી ગયો છે.

નિમણૂક પ્રક્રિયાની ગેરરીતિઓની તપાસ માટે કમિટીની રચના

આ સમગ્ર કાર્યવાહી પાછળ નિમણૂક પ્રક્રિયામાં થયેલી ગેરરીતિઓ હોવાનું સામે આવ્યું છે. હંગામી કર્મચારીઓ અને અધિકારીઓની ભરતી પ્રક્રિયામાં નિયમોનું ઉલ્લંઘન થયું હોવાના આરોપો બાદ તંત્ર દ્વારા તપાસ સમિતિ (કમિટી) ની રચના કરવામાં આવી છે. આ તપાસ કમિટી સમગ્ર નિમણૂક પ્રક્રિયાની પારદર્શકતા, યોગ્યતા અને સત્તાવાર મંજૂરીઓની સઘન તપાસ કરશે, અને તેના રિપોર્ટ આધારે આગળની કાયદાકીય કાર્યવાહી કરવામાં આવશે.

આ પણ વાંચો : Vaodara News : હાઇકોર્ટના નવા પરિપત્ર સામે વકીલોનો ઉગ્ર વિરોધ, ડભોઇ કોર્ટ પરિસરમાં પ્રદર્શન