Ahmedabad: લૉ ગાર્ડન,મીઠાખળી વિસ્તારમાં છ રોડને પાર્કિંગ, વોકવે, ફૂટપાથ સાથેનો નવો 'સીજીરોડ' બનાવાશે

AMC લો ગાર્ડન અને મીઠાખળી વિસ્તારમાં 6 રોડને પ્રિસિન્કટ એરિયા તરીકે રૂપિયા 100 કરોડના ખર્ચે બનાવાશે. એટલે કે, લો ગાર્ડન અને મીઠાખળીના આસપાસ વિસ્તારોને સી.જી. રોડ પ્રમાણે રોડ વિકસાવાશે.

AMC સ્ટ્રીટ ફર્નિચર સાથે કુલ 6,680 મીટર લંબાઇના રોડ ડેવલપ કરશે, જેમાં લોકો માટે પાર્કિંગ, ચાલવા માટે વોક વે અને ફૂટપાથ સહિતનું આયોજન કરાયું છે. રોડ એન્ડ બિલ્ડિંગ્ઝ કમિટીમાં સોમવારે કામને મંજૂરી આપી સ્ટેન્ડિંગ કમિટીમાં મોકલી અપાયું છે. કમિટીએ દાવો કર્યો છે કે, રોડ પર વરસાદી પાણી ભરાય નહીં તે માટે પૂરતી વ્યવસ્થા કરાઇ છે. રોડનું કામ ચોમાસા પછી આગામી 15મી સપ્ટે.પછી શરૂ થશે. સૂત્રો કહ્યું કે, દિવાળીના તહેવારને ધ્યાનમાં રાખી કદાચ ઓક્ટોબર મહિનાના અંતમાં કામ શરૂ થઇ શકે છે.

રોડ પર આ પ્રકારની સુવિધા રહેશે

શહેરીજનોને સુવ્યવસ્થિત પાર્કિંગની સુવિધા રાહદારીઓને ચાલવા માટે પ્લાન્ટેશન યુક્ત વોક-વે-ફૂટપાથની વ્યવસ્થા વેન્ડિંગ ઝોન, ગજેબો, બેસવા માટે બેન્ચીસ, સ્કલ્પચર્સ, લેન્ડસ્કેપિંગ, પ્લાન્ટેશન વિગેરે ટ્રાફિક સાઇનેજીમ, થર્મોપ્લાસ્ટીક, પેઇન્ટ વડે રોડ માર્કિંગ અને અન્ય ટ્રાફિક એન્જિનિયરિંગને લગતી કામગીરી ઇન્ટીગ્રેટેડ લેન્ડસ્કેપ લાઇટિંગ, લાઇટ પોલ, થીમ લાઇટ