સુરત: ભાજપના જીતેલા ઉમેદવાર કોર્પોરેટર બને તે પહેલાં જ અધિકારીઓ સાથે ફિલ્ડમાં પહોંચ્યા

May 8, 2026 - 05:00

Join our WhatsApp Community to receive travel deals, free stays, and special offers!
- Join Now -

Surat News: સુરત પાલિકાની ચૂંટણીના પરિણામ બાદ ઉમેદવાર વિજેતા જાહેર થયા બાદ ગેઝેટ પ્રસિદ્ધ થાય અને ઉમેદવાર સત્તાવાર કોર્પોરેટર બને તે પહેલાં જ ભાજપના જીતેલા ઉમેદવાર સુરતમાં ફિલ્ડ પર પહોંચી રહ્યા છે. કેટલાક તો અતિઉત્સાહી જીતેલા ઉમેદવારો પાલિકાના અધિકારીઓને લઈ ફિલ્ડમાં પહોંચી સૂચના આપવા માંડ્યા છે. હાલમાં આ જીતેલા ઉમેદવારો પોતાના મત વિસ્તારમાં રસ્તા, ડ્રેનેજ, સફાઈ ઉપરાંત વિવિધ સમાજના સંમેલનમાં કોર્પોરેટર તરીકે હાજરી આપવા દોડાદોડી કરી રહ્યાં છે.

કોર્પોરેટર બને તે પહેલાં લોકોના પ્રશ્નો માટે દોડી રહ્યાં છે, પરંતુ આગામી પાંચ વર્ષ સુરતની પ્રજાના પ્રશ્નો માટે દોડશે કે પક્ષની ગાઈડ લાઈન મુજબ આંગળી ઊંચી કરશે તે તો સમય જ બતાવશે. પરંતુ હાલમાં જીતેલા ઉમેદવાર કોર્પોરેટર બને તે પહેલા કરવામાં આવતી દોડાદોડી રાજકારણમાં ચર્ચાનો વિષય બની છે.