સુરતના વરાછા રોડના સિનિયર સીટીઝનની સેવાકીય પ્રવૃત્તિ, કાપડના વેસ્ટમાંથી દોરી બનાવી વેચાણના પૈસાથી સમાજ સેવા

Jun 23, 2025 - 15:30

Join our WhatsApp Community to receive travel deals, free stays, and special offers!
- Join Now -

Surat : સુરતના વરાછા રોડના નિવૃત્ત જીવન ગાળતા 15 થી વધુ સિનિયર સીટીઝન દ્વારા અનોખી રીતે સેવાકીય પ્રવૃત્તિ કરવામાં આવી રહી છે. વરાછા રોડના એક પ્લોટ પર રોજ 15થી વધુ વડીલો ભેગા થાય છે અને તેઓ કાપડના વેસ્ટ (ચીંદડી) ભેગી કરે છે અને તેમાંથી દોરી બનાવી રચનાત્મક અભિગમ સાથે સમય પસાર કરે છે. એટલું જ નહી પરંતુ જે દોરી બને છે તેનું વેચાણ કરે છે તેમાંથી જે પૈસા ભેગા થાય છે તેનો ઉપયોગ વિવિધ સમાજ સેવા માટે કરવામાં આવે છે. છેલ્લા બે વર્ષથી વડીલોનું આ ગ્રુપ વેસ્ટ કાપડમાંથી દોરી બનાવી મનો દિવ્યાંગ આશ્રમ, રક્તપિત્તના દર્દી માટે અથવા પક્ષીઓના ચણ માટે ઉપયોગ કરી અન્ય લોકો માટે ઉદાહરણ બની રહ્યાં છે.

સુરતના વરાછા રોડ વિસ્તારમાં આવેલી અંકુર ચોકડી પાસેના એક પ્લોટમાં રોજ 70 વર્ષથી વધુની વય ધરાવતા 15થી વધુ વડીલો ભેગા થાય છે.