દિવાળીની રાત્રે અર્ટિગા કાર પલટી જતા બે મિત્રોના કરૃણ મોત

Oct 21, 2025 - 18:00

Join our WhatsApp Community to receive travel deals, free stays, and special offers!
- Join Now -

વડોદરા, તા.21 સંખેડા નજીક બહાદરપુરમાં રાત્રે ફટાકડા ફોડીને ડભોઇ ચા-નાસ્તો કરવા ગયેલા સાત મિત્રો પરત બહાદરપુર જતા હતા ત્યારે મોડી રાત્રે તેમની અર્ટિગા કાર ઝાડ અને થાંભલા સાથે અથડાયા બાદ રોડ નજીકના કાંસમાં પલટી મારતા વડોદરા વાઘોડિયારોડના એક યુવાન તેમજ તેના મિત્ર મળી બે યુવાનોના કરૃણ મોત નિપજ્યા હતાં જ્યારે અન્ય પાંચ મિત્રોને ઇજા થઇ હતી.

સંખેડામાં બહાદરપુરમાં રહેતા ભાર્ગવ મહેશ અમીને ડભોઇ પોલીસ સ્ટેશનમાં નોંધાવેલી ફરિયાદમાં જણાવ્યું છે કે હું વાઘોડિયા ખાતે ખાનગી કંપનીમાં નોકરી કરું છું. તા.૨૦ના રોજ દિવાળીના રોજ રાત્રે ૧૨ વાગ્યા સુધી મિત્રો સાથે ફટાકડા ફોડયા હતાં અને ત્યારબાદ સાડા બાર વાગે હું તેમજ મારા મિત્રોને ચા પીવાની ઇચ્છા થતાં વ્રજ રાજેન્દ્ર શાહ (રહે.ભક્તિનગર, વાઘોડિયારોડ, વડોદરા)ની અર્ટિગા કારમાં બેસી ડભોઇ વેગા ચોકડી આવ્યા હતાં.