શાળાના ગેટ સામે જ હોટલના ગંદા પાણી ભરાતાં વિદ્યાર્થીઓને હાલાકી

- સુરેન્દ્રનગરના ઉપાસના સર્કલ પાસે - હોટલ સંચાલકો રસ્તા પર ગંદા પાણીનો નિકાલ કરાતાં વિદ્યાર્થીઓના આરોગ્ય સામે મોટું જોખમસુરેન્દ્રનગર : સુરેન્દ્રનગર ઉપાસના સર્કલ પાસે આવેલી શાળાના પ્રવેશદ્વાર સામે જ હોટલના ગંદા પાણી ભરાઇ રહેતા વિદ્યાર્થીઓ તેમજ શાળાએ લેવા મુકવા આવતા વાલીઓને હાલાકીનો સામનો કરવો પડે છે. શાળાની પાસે આવેલી હોટલો દ્વારા ગંદા પાણીનો નિકાલ રસ્તા પર જ કરતા દરરોજ આવી સ્થિતિનું નિર્માણ થાય છે. ત્યારે હોટલ સંચાલકો સામે પાલિકા તંત્ર દ્વારા કડક કાર્યવાહી કરવામાં આવે તેવી માગ ઉઠી છે.