રોડ પર શટડાઉન લક્ઝરી બસની પાછળ બીજી બસ ઘૂસતા 3ના મોત

Oct 14, 2025 - 08:30

Join our WhatsApp Community to receive travel deals, free stays, and special offers!
- Join Now -

વડોદરા પાસે કરજણ હાઇવે પર મળસ્કે ગમખ્વાર અકસ્માત 15 મુસાફરોને નાની મોટી ઇજાઓ થતા સારવાર માટે ખસેડાયા : રાજકોટ- અમરેલીના પ્રવાસીઓ પણ મોતનો ભોગ બન્યા

કરજણ/ વડોદરા : કરજણ તાલુકાના નેશનલ હાઇવે 48 પર લાકોદરા ગામના પાટિયા પાસે આજે મળસ્કે શટડાઉન થયેલી લકઝરી બસની પાછળ પૂરઝડપે આવતી બીજી લકઝરી બસ ઘૂસી જતાં ગમખ્વાર અકસ્માતમાં 1 મહિલા સહિત 3 વ્યક્તિના કરૂણ મોત નિપજ્યા હતાં અને 15 મુસાફરોને નાની મોટી ઇજાઓ થઇ હતી.

પ્રાપ્ત માહિતી મુજબ વહેલી સવારે ત્રણ વાગ્યાના અરસામાં લાકોદરા ગામના પાટિયા પાસે ભરૂચથી વડોદરા તરફના ટ્રેક ઉપર રોડની બાજુમાં શ્રી સંત મિલન ટ્રાવેલ્સની લકઝરી બસ ખરાબ થઈ ગયેલ હાલતમાં ઊભી હતી. તે દરમિયાન ભરૂચ તરફથી બેફિકરાઈથી આવી રહેલી પટેલ ટ્રાવેલ્સની લકઝરી બસના ચાલકે પાછળથી શટડાઉન ઊભેલી બસમાં ધડાકાભેર અથાડતા અકસ્માત સર્જાયો હતો.