પૈસા ડબલ કરવાની લાલચ ભારે પડી! અમદાવાદના યુવક સાથે લાખોની છેતરપિંડી, પોલીસે તપાસ હાથ ધરી

Ahmedabad News : રાજ્યમાં એકના ડબલ અને ત્રણ ગણા કરવાનું કહીને કૌભાંડ આચારવામાં આવ્યું હોવાની અનેક ઘટનાઓ સામે આવતી હોય છે, ત્યારે અમદાવાદનો એક યુવક એકના ડબલની પોન્ઝી સ્કીમનો ભોગ બન્યો છે. જેમાં યુવકે બીજા પાસેથી ઉછીના 69 લાખ રૂપિયા લઈને ડબલ કરવા જતા આરોપીએ 1.40 કરોડ રૂપિયાની ચિલ્ડ્રન્સ બેંકની નકલી નોટો પકડાવી દીધી હતી. સમગ્ર મામલે યુવકે છેતરપિંડી કરનારા સહિત પાંચ શખસો વિરુદ્ધમાં પોલીસ ફરિયાદ નોંધાવી હતી. આરોપીને ઝડપી પાડવા માટે પોલીસે સમગ્ર ઘટના અંગે વધુ તપાસ હાથ ધરી.