ચોમાસા પહેલા વડોદરા ફાયર વિભાગ સજ્જ, 20 ફ્લડ રિસ્પોન્સ ટીમો તૈનાત

Jun 6, 2026 - 17:30

Join our WhatsApp Community to receive travel deals, free stays, and special offers!
- Join Now -

Vadodara Fire Department : આગામી ચોમાસાની ઋતુ દરમિયાન સંભવિત પૂર, જળભરાવ તથા અન્ય કુદરતી આપત્તિઓ સામે ઝડપી અને અસરકારક પ્રતિસાદ આપી શકાય તે માટે વડોદરા અગ્નિશમન અને તાત્કાલિક સેવાઓ વિભાગ દ્વારા પ્રિ-મોન્સૂન તૈયારીઓ હાથ ધરવામાં આવી છે. તેના ભાગરૂપે મ્યુનિસિપલ કોર્પોરેશનના સ્વિમિંગ પૂલ ખાતે બચાવકર્મીઓને વિશેષ તરણ તાલીમ, રિહર્સલ અને પ્રાયોગિક અભ્યાસ અપાઈ રહ્યો છે. આ તાલીમનો મુખ્ય હેતુ આપત્તિ સમયે બચાવકર્મીઓની ગતિ, કાર્યક્ષમતા અને ક્ષમતામાં વધારો કરવાનો છે.

વિભાગ દ્વારા આપત્તિજનક પરિસ્થિતિઓમાં ઉપયોગી તમામ રબર બોટ, ફાયર બોટ અને બચાવ નૌકાઓનું મહીસાગર નદી તથા સુરસાગર તળાવ ખાતે સફળતાપૂર્વક પરીક્ષણ અને નિરીક્ષણ કરવામાં આવ્યું છે. ઉપરાંત કટોકટી સમયે ઉપયોગી જનરેટર, ટ્રી કટર, ટેલિસ્કોપિક લાઈટ સહિતના વિવિધ રેસ્ક્યુ સાધનોની નિયમિત ચકાસણી કરીને તેમની કાર્યક્ષમતાની ખાતરી કરવામાં આવી છે.