ગેંગ બનાવી વિદેશી દારૂનું નેટવર્ક ઉભું કરનાર ગુજસીટોક આરોપીની ધરપકડ, 15 દિવસના રિમાન્ડ મંજૂર

May 16, 2026 - 05:30

Join our WhatsApp Community to receive travel deals, free stays, and special offers!
- Join Now -

Vadodara News: સંગઠીત ગેંગ બનાવી વડોદરા તેમજ રાજ્યના અન્ય જિલ્લાઓમાં વિદેશી દારૂનું મજબૂત નેટવર્ક ઉભું કરી વિદેશી દારૂનો કરોડોનો કારોબાર કરનારી લાલુ સિંધી ગેંગ સામે ગુજસીટોક હેઠળ ગુનો નોંધાયા બાદ લાલુના સાગરીત સુનીલ ઉર્ફે અદાની પોલીસે ગઈકાલે ધરપકડ કરી હતી. આજે આરોપીને કોર્ટમાં રજૂ કરી તપાસ અધિકારીએ આરોપીના 30 દિવસના રિમાન્ડની માંગણી કરતા ન્યાયાધીશે આરોપીના 15 દિવસના રિમાન્ડ મંજૂર કર્યા હતા.

ઉલ્લેખનીય છે કે, છેલ્લા 10 વર્ષથી વડોદરા અને આસપાસના વિસ્તારોમાં ખૂન, ખંડણી, આર્મ્સ એક્ટ, અને મોટા પાયે વિદેશી દારૂની હેરાફેરી જેવી 106 જેટલી ગંભીર ગુનાહિત પ્રવૃત્તિમાં સંડોવાયેલી લાલુ સિંધી અને તેના 12 સાગરીતો વિરુદ્ધ ગુજસીટોકનો ગુનો દાખલ કરવામાં આવ્યો હતો. પોલીસે આ ગેંગના સક્રિય સભ્ય અને 25 જેટલા ગુનાઓમાં સંડોવાયેલા સુનીલ ઉર્ફે અદાની ગઈકાલે ધરપકડ કરી હતી.