હેલ્મેટ વગર વાહન ચલાવતા ૬૬૦ સરકારી કર્મચારીને ૩.૩૦ લાખનો દંડ

અમદાવાદ,મંગળવારઅકસ્માતના કારણે થતા મૃત્યુ અને ગંભીર ઇજાઓ ઉપર અંકુશ લાવવા માટે રાજય પોલીસ વડાએ હેલ્મેટના કાયદાનો અસરકારક અમલ કરાવવા આદેશ આપ્યા હતા. જેને લઇને અમદાવાદમાં ટ્રાફિક પોલીસ દ્વારા આજે પોલીસ કમિશનર કચેરી સહિત તમામ સરકારી કચેરી પાસે ખાસ ઝુંબેશ હાથ ધરી હતી  જેમાં ૭૨ પોલીસ જવાન સહિત ૬૬૦ સરકારી કર્મચારીઓ સામે કેસ કરીને  કુલ રૃા.૩.૩૦ લાખ દંડ વસૂલ કરવામાં આવ્યો હતો.અમદાવાદમાં ખાખીએ જ ૭૨ ખાખી પાસેથી ૩૬,૦૦૦ દંડ વસૂલ્યો,કર્મચારીઓની બહાનાબાજી ના ચલાવાઇ