સુરત પાલિકાની ચૂંટણી પહેલા પાણી મીટરની પ્રથા મુદ્દે ઘમાસાણ : વિપક્ષનો વોટર મીટર બિલ માફ કરવા તંત્રને લખ્યો પત્ર

Aug 20, 2025 - 14:30

Join our WhatsApp Community to receive travel deals, free stays, and special offers!
- Join Now -

Surat Corporation Water Bill : સુરત પાલિકાની આગામી ચૂંટણી પહેલાં લોકો માટે આફત બની રહેલા વોટર મીટર બિલનો પ્રશ્ન ફરી ઉભો થયો છે. વોટર મીટર બિલ અંગે લોકોમાં આક્રોશ અને ઘમાસાણ જોવા મળી રહી છે તેવામાં પાલિકાના વિપક્ષે વોટર મીટર બિલ માફ કરવા તંત્રને લખ્યો પત્ર લખી આ દરખાસ્તને સામાન્ય સભામાં રજૂ કરવા જણાવ્યું છે. જો પાણીના મીટર પ્રથા બંધ કરી જુના મીટરના તોતિંગ બિલ માફ કરવામાં આવે, નહીં તો આંદોલન કરવાની વિપક્ષની ચીમકી પણ આપવામાં આવી છે.

સુરત પાલિકાએ મોટા ઉપાડે 24 કલાક પાણીની યોજના શરૂ કરી અને મીટરથી પાણી આપવાનું શરુ કર્યું ત્યારથી વોટર મીટર બિલ સામે વિરોધ થઈ રહ્યો છે. આ મુદ્દે શાસકોએ કોઈ નિર્ણય લીધો નથી અને આગામી થોડા જ મહિનામાં પાલિકાની ચૂંટણી આવી રહી છે ત્યારે વિપક્ષે વોટર મીટર બિલ માફી મુદ્દો ઉપાડીને શાસકોની દુખતી નસ દબાવી દીધી છે.