વડોદરાના ચોકારી ગામે પડોશી વચ્ચે તકરાર : દંડાથી સામસામે હુમલામાં ચારને ઇજા

image : FreepikVadodara Crime : પડોશીઓ સાથે સારા સંબંધ હોવાનું અન્ય પડોશીને નહીં ગમવાની અદાવતે થયેલી તકરારમાં પડોશી મહિલા સાથે મારા મારી કરી હતી. અન્ય પડોશી છોડાવવા વચ્ચે પડતા આજે તમને પતાવી દેવાના છે તેવી ધમકી આપીને ડંડાથી કરેલા હુમલામાં પડોશી મહિલા અને તેના પુત્રને ઈજા થઈ હોવાના બનાવમાં પડોશીએ કરેલી ક્રોસ ફરિયાદમાં મહિલાએ અશ્લીલ ગાળો ભાંડીને માથામાં દંડો માર્યો હોવાની ફરિયાદ નોંધાવી હતી. પાદરાના ચોકારી ગામે સુથાર ફળિયામાં રહેતા ભરત પઢીયારની પત્ની ચંપાબેન (44)એ વડુ પોલીસ મથકે ફરિયાદ નોંધાવી જણાવ્યું હતું કે પડોશમાં નવીન જાલમસિંહ ચૌહાણ (મૂળ રહે. કાનોડ, તા.હાલોલ) પરિવાર સાથે રહે છે.